কেটৰিনা কাইফে এইবাৰ প্ৰথম মাতৃ দিৱস অতি বিশেষ ধৰণেৰে উদযাপন কৰে। অভিনেত্ৰীগৰাকীয়ে নিজৰ পুত্ৰ বিহান কৌশলৰ প্ৰথম আভাস ছ’চিয়েল মিডিয়াত শ্বেয়াৰ কৰি অনুৰাগীসকলক অত্যন্ত আৱেগিক কৰি তুলিছে। কেটৰিনা আৰু ভিকি কৌশলে ২০২৫ চনৰ ৭ নৱেম্বৰত পুত্ৰক আদৰণি জনাইছে আৰু তেওঁৰ নাম ৰাখিছে বিহান কৌশল।

কেটৰিনা তেওঁৰ ইনষ্টাগ্ৰাম একাউন্টত ঘৰটোৰ কিছুমান বিশেষ মুহূৰ্তৰ ছবি শ্বেয়াৰ কৰিছিল। ইয়াৰ ভিতৰত এটা ছবিত সৰু বিহানৰ সৰু-সৰু হাত দেখিবলৈ পাইছে, য’ত তেওঁ শিশুপ্ৰিয় কিতাপ 'দ্য ভেৰী হাংগ্ৰী কেটারপিলাৰ' ধৰি থকা অৱস্থাত দেখা গৈছে। সেয়া আন এখন ফটোৰ পৰা গোলাপী ফুলেৰে সুন্দৰ গুলদস্তা আৰু ভিকী কৌশলৰ দ্বাৰা লিখিত এখন মৰমলগা টোকা দেখা গৈছে। টোকাত লিখা আছিল, মোৰ মৰমৰ, প্ৰথম মাতৃত্ব দিৱসৰ আন্তৰিক শুভকামনা! মৰমসহ, বিহান আৰু ডেডী কৌশল।

অনুৰাগীয়ে কেটৰিনাৰ পোষ্টটোত মৰমৰ বৰষুণ দিলে। এজন ব্যৱহাৰকাৰীয়ে লিখিছে, ইমান মৰমলগা... মামী কেটৰিনা আৰু সৰু বিহানলৈ বহুত প্ৰেম। বহুতে হাৰ্ট ইমোজিৰে প্ৰতিক্ৰিয়া প্ৰকাশ কৰিছিল। প্ৰায় দুবছৰ প্ৰেমৰ সম্পৰ্কৰ অন্তত ২০২১ চনত কেটৰিনা আৰু ভিকিৰ ৰাজকীয় বিবাহ হয়।

हिन्दुस्थान समाचार / আলোক চক্ৰৱৰ্তী