শোণিতপুৰ, ১১ মে (হি.স.)। জামুগুৰিহাটৰ নিকটৱৰ্তী ৰামপুৰ হাটিঙা নামৰ অঞ্চলটোত অনুষ্ঠিত বিহু অনুষ্ঠানত নিশা এক গুৰুতৰ অঘটন সংঘটিত হয়৷ কিবা বিষয়ত কাজিয়াৰ সুত্ৰপাত ঘটি এজনে খুকুৰীৰে আক্ৰমণ কৰি হত্যা কৰে আন এজন যুৱকক৷ আক্ৰমণত গুৰুতৰ ভাৱে আহত আন এগৰাকী যুৱক ৷ আক্ৰমণটোৰ ফলত নিহত ৰঙাচকুৱাৰ লীলা বৰুৱা আৰু আহত ৰাকেশ শৰ্মা ৷

গুৰুতৰভাৱে আহত ৰাকেশ শৰ্মাক উন্নত চিকিৎসাৰ বাবে গুৱাহাটীলৈ প্ৰেৰণ ৷ আক্ৰমণকাৰী ইটাখোলা কেৰাণীপামৰ জয়কান্ত বৰ্মণক বিহু কমিটিয়ে আটক কৰি চমজি দিয়ে আৰক্ষীক ৷ কি কাৰণত চাঞ্চল্যকৰ ঘটনাতো সংঘটিত হ’ল সেয়া জানিব পৰা হোৱা নাই ৷ ঘটনা সন্দৰ্ভত আৰক্ষীয়ে তদন্ত আৰম্ভ কৰিছে ৷

হিন্দুস্থান সমাচাৰ / প্ৰকাশ ডেকা