গুৱাহাটী, ০১ মে’ (হি.স.): অসমৰ মুখ্যমন্ত্ৰী ডঃ হিমন্ত বিশ্ব শৰ্মাই আন্তঃৰাষ্ট্ৰীয় শ্ৰমিক দিৱস উপলক্ষে ৰাজ্যৰ সকলো শ্ৰমিক বন্ধু, ভাই-ভনীসকললৈ আন্তৰিক শুভেচ্ছা আৰু অভিনন্দন জনাইছে। তেওঁ কয় যে শ্ৰমিকসকলৰ নিষ্ঠা, পৰিশ্ৰম আৰু অৱদানৰ ফলতেই এখন উন্নত আৰু বিকশিত সমাজ গঢ়াৰ পথ প্ৰশস্ত হয়।
মুখ্যমন্ত্ৰীয়ে শ্ৰমিকসকলৰ এই অমূল্য অৱদানৰ বাবে কৃতজ্ঞতা প্ৰকাশ কৰি তেওঁলোকৰ সুস্বাস্থ্য, সুখ-শান্তি আৰু উজ্জ্বল ভৱিষ্যতৰ কামনা কৰে। তেওঁ উল্লেখ কৰে যে “বিকশিত ভাৰত” গঢ়াৰ ক্ষেত্ৰত শ্ৰমিকসকলৰ ভূমিকা অতি গুৰুত্বপূৰ্ণ।
তেওঁ লগতে কয় যে কেন্দ্ৰ আৰু ৰাজ্যত থকা ডাবল ইঞ্জিন চৰকাৰসমূহে শ্ৰমিকসকলৰ কল্যাণৰ বাবে বিভিন্ন নীতি ৰূপায়ণ কৰিছে, যাৰ জৰিয়তে কামৰ পৰিৱেশ উন্নত কৰা, সুৰক্ষা নিশ্চিত কৰা আৰু তেওঁলোকৰ অৱদানক যথোচিত স্বীকৃতি দিয়াৰ ব্যৱস্থা কৰা হৈছে।
------------
হিন্দুস্থান সমাচাৰ / শ্ৰীপ্ৰকাশ
