নিংবো (চীন), ০৯ এপ্ৰিল (হি.স.ছ)। বেডমিণ্টন এছিয়া চেম্পিয়নশ্বিপ ২০২৬ত ভাৰতৰ বাবে বৃহস্পতিবাৰটো মিশ্ৰিত দিন আছিল। যুৱ খেলুৱৈ আয়ুষ শ্বেট্টীয়ে কোৱাৰ্টাৰ ফাইনেলত প্ৰৱেশৰ বাবে তাৰকাময় প্ৰদৰ্শন আগবঢ়াইছিল, আনহাতে পিভি সিন্ধু আৰু এইচ এছ প্ৰণয় ১৬ ৰাউণ্ডত বাহিৰ হৈছিল।
২০ বছৰীয়া আয়ুষ শ্বেট্টীয়ে একেৰাহে দ্বিতীয়খন মেচত পোনপটীয়া ছেটত জয়লাভ কৰে। তেওঁ চীনা টাইপেইৰ চি ইউ জেনক ২১-১৬, ২১-১২ ব্যৱধানত পৰাস্ত কৰে। ইয়াৰ পূৰ্বে আয়ুছে প্ৰথম ৰাউণ্ডত বিশ্বৰ ৭ নম্বৰ স্থানত চীনৰ লি ছি ফেঙক পৰাস্ত কৰি ডাঙৰ বিচলিত কৰিছিল।
এতিয়া বিশ্বৰ ২৫ নম্বৰ স্থানত থকা আয়ুছে ছেমিফাইনেলত স্থান লাভৰ বাবে ইণ্ডোনেছিয়াৰ জনাথন ক্ৰীষ্টিৰ বিৰুদ্ধে মুখামুখি হ’ব।
দুবাৰৰ অলিম্পিকৰ পদক বিজয়ী পিভি সিন্ধুৱে ১৮-২১, ৮-২১ ব্যৱধানত পৰাস্ত হয় চীনৰ বিশ্বৰ ২ নং ৱাং জি য়িৰ হাতত। দুমাহতকৈ অধিক সময়ৰ পাছত ক’ৰ্টলৈ উভতি অহা সিন্ধুৰ হতাশাজনক প্ৰত্যাৱৰ্তন।
মহিলা একক শাখাতো ভাৰতৰ প্ৰত্যাহ্বানৰ অন্ত পৰে যেতিয়া জাপানৰ টমোকা মিয়াজাকিৰ হাতত ১৭-২১, ৯-২১ ব্যৱধানত পৰাস্ত হয় উন্নাটি হুডা।
পুৰুষৰ একক শাখাত আঘাতৰ পৰা উভতি অহা এইচ. এছ প্ৰণয়ক চীনৰ ৱেং হং ইয়াঙে ১২-২১, ১৯-২১ ব্যৱধানত বাহিৰ কৰে।
মিক্সড ডাবলছত ধ্ৰুৱ কপিলা আৰু তনিশা ক্ৰাষ্টোৰ যুটিয়েও ষ্ট্ৰেইট ছেটত পৰাজয়ৰ সন্মুখীন হ’বলগীয়া হয়।
মহিলাৰ ডাবলছ যুটি প্ৰিয়া কনজেংবাম আৰু শ্ৰুতি মিশ্ৰই দিনটোৰ পিছত প্ৰতিদ্বন্দ্বিতা কৰিব।
हिन्दुस्थान समाचार / অৰৱিন্দ
11 Apr 2026
