ইটানগৰ, ০৭ এপ্ৰিল (হি.স.)। অৰুণাচল প্ৰদেশৰ মুখ্যমন্ত্ৰী পেমা খাণ্ডুৱে তেওঁৰ আত্মীয়ক চৰকাৰী চুক্তি প্ৰদানৰ অভিযোগ সন্দৰ্ভত চিবিআই (কেন্দ্ৰীয় তদন্ত ব্যুৰো)ৰ প্ৰাৰম্ভিক তদন্ত (পিই)ৰ বাবে ভাৰতৰ উচ্চতম ন্যায়ালয়ৰ নিৰ্দেশক আদৰণি জনাই সংস্থাটোক সম্পূৰ্ণ সহযোগিতা আগবঢ়োৱাৰ আশ্বাস দিয়ে।
এই ঘটনাৰ প্ৰতিক্ৰিয়া প্ৰকাশ কৰি খাণ্ডুৱে এক বিবৃতিত কয় যে তদন্তৰ জৰিয়তে পৰিস্থিতি স্পষ্ট হ’ব আৰু শাসন ব্যৱস্থাৰ স্বচ্ছতা নিশ্চিত হ’ব। তেওঁ কয় যে তেওঁৰ চৰকাৰৰ হাতত লুকুৱাবলগীয়া একো নাই আৰু ন্যায্য আৰু স্বতন্ত্ৰ তদন্তৰ বাবে প্ৰয়োজনীয় সকলো সহযোগিতা আগবঢ়াব।
জনস্বাৰ্থৰ গোচৰৰ শুনানি গ্ৰহণ কৰি উচ্চতম ন্যায়ালয়ে চিবিআইক প্ৰাথমিক তদন্ত কৰিবলৈ নিৰ্দেশ দিয়ে আৰু সংস্থাটোক ইয়াৰ সন্মুখত দাখিল কৰা শপতনামাত কৰা দাবীসমূহ পৰীক্ষা কৰিবলৈ কয়।
তেওঁ কয়, সত্য ওলাই আহিব। ইয়াৰ পূৰ্বে ৰাজ্য চৰকাৰে শপতনামাত উল্লেখ কৰিছিল যে বিগত ১০ বছৰত প্ৰদান কৰা ২১,০৭৯টা কামৰ ভিতৰত মাত্ৰ ১২১টা কামৰহে সঠিক নিবিদা প্ৰক্ৰিয়াৰ জৰিয়তে চাৰিটা প্ৰতিষ্ঠানক প্ৰদান কৰা হৈছে, যিয়ে সমগ্ৰ ৰাজ্যতে প্ৰদান কৰা সকলো চুক্তিৰ মাত্ৰ ০.৫৭ শতাংশহে প্ৰতিনিধিত্ব কৰে।
শপতনামাত উল্লেখ কৰা হৈছে যে মূল্যৰ হিচাপত উক্ত চুক্তি সমূহৰ মুঠ মূল্য ১,২৪৫.০৪ কোটি টকা, যিটো একে সময়ছোৱাত ৰাজ্যত সঠিক নিবিদা প্ৰক্ৰিয়াৰ জৰিয়তে প্ৰদান কৰা মুঠ ৪৫,৩৮০.৯৬ কোটি টকাৰ চুক্তিৰ ২.৭৪%। খাণ্ডুৱে এই নিৰ্দেশক আদৰণি জনাই তদন্তকাৰী সংস্থাটোক সম্পূৰ্ণ সহযোগিতা আগবঢ়োৱাৰ আশ্বাস দিয়ে।
हिन्दुस्थान समाचार / ৰমেন বৰ্মণ
