শোণিতপুৰ, ০৭এপ্ৰিল (হি.স.)। পদযাত্ৰাৰে সামৰণি পৰিল ৰঙাপৰা বিজেপিৰ প্ৰাৰ্থী কৃষ্ণকমল তাঁতীৰ নিৰ্বাচনী প্ৰচাৰ। আজি সামৰণি পৰিল ৰাজ্যৰ বিধানসভা নিৰ্বাচনৰ প্ৰচাৰ অভিযান । প্ৰচাৰ অভিযানৰ অন্তিম দিনা আজি ৰঙাপৰা সমষ্টিৰ বিজেপি প্ৰাৰ্থী কৃষ্ণ কমল তাঁতীয়ে সমষ্টিৰ নিজৰ সমৰ্থনত ৰঙাপৰা নগৰত এক বিশাল পদযাত্ৰা উলিওৱা হয় ।

পদযাত্ৰাত অংশগ্ৰহণকাৰী সকলে হাতে-হাতে দলীয় পতাকা লৈ বিজেপি জিন্দাবাদ, কৃষ্ণ কমল তাঁতী জিন্দাবাদ, হিমন্ত বিশ্ব শৰ্মা জিন্দাবাদ ইত্যাদি বিভিন্ন শ্লোগান দিয়ে । পদযাত্ৰাত অংশগ্ৰহণ কৰি প্ৰাৰ্থী গৰাকীয়ে কয় যে ৰাইজে অনাগত নিৰ্বাচনত তেখেতক বিপুল ভোটত জয়যুক্ত কৰাব । ৰাইজ উন্নয়নৰ স্বাৰ্থত বিজেপিকে ভোট দিব ।

হিন্দুস্থান সমাচাৰ / নিৰ্মলেন্দু