নতুন দিল্লী, ০৬ এপ্ৰিল (হি.স.)। ম্যানমাৰৰ নৱনিৰ্বাচিত ৰাষ্ট্ৰপতিৰ শপত গ্ৰহণ অনুষ্ঠানত অংশগ্ৰহণ কৰিব বৈদেশিক পৰিক্ৰমা ৰাজ্যিক মন্ত্ৰী কীৰ্তি বৰ্ধন সিঙে। সামৰিক অভ্যুত্থানৰ পিছত অনুষ্ঠিত হোৱা নিৰ্বাচনত সামৰিক সমৰ্থিত ইউএছডিপি দলটোৱে জয়লাভ কৰে। ইয়াৰ পিছত ৩ এপ্ৰিলত অনুষ্ঠিত হোৱা সংসদীয় নিৰ্বাচনত মিন আং হ্লাইং ৰাষ্ট্ৰপতি নিৰ্বাচিত হয়।
বৈদেশিক পৰিক্ৰমা মন্ত্ৰালয়ৰ তথ্য অনুসৰি ম্যানমাৰ চৰকাৰৰ আমন্ত্ৰণত অহা ৮ এপ্ৰিলৰ পৰা ১১ এপ্ৰিললৈ ম্যানমাৰ ভ্ৰমণ কৰিব ৰাজ্য মন্ত্ৰী কীৰ্তি বৰ্ধন সিঙে। অহা ১০ এপ্ৰিলত নাইপিড’ত ম্যানমাৰৰ নতুন ৰাষ্ট্ৰপতিৰ শপত গ্ৰহণ অনুষ্ঠানত অংশগ্ৰহণ কৰিব তেওঁ।
মন্ত্ৰালয়ৰ মতে, ভ্ৰমণৰ সময়ত সিঙে নেইপিডাউত ম্যানমাৰ চৰকাৰৰ সংশ্লিষ্ট বিষয়াসকলৰ সৈতে সাক্ষাৎ কৰিব। লগতে, চলি থকা বাণিজ্য, অৰ্থনৈতিক আৰু উন্নয়নমূলক সাহায্যৰ পদক্ষেপৰ সৈতে জড়িত দ্বিপাক্ষিক বৈঠকত অংশগ্ৰহণ কৰিব আৰু ইয়াংগনত ভাৰতীয় প্ৰব্ৰজনকাৰী আৰু ভাৰতৰ বন্ধুসকলৰ সৈতে মত বিনিময় কৰিব।
हिन्दुस्थान समाचार / অৰৱিন্দ
