নতুন দিল্লী, ০৬ এপ্ৰিল (হি.স.)। এফ এ কাপ ২০২৫-২৬ৰ ছেমি ফাইনেল খেলৰ ঘোষণা কৰা হৈছে । প্ৰথমখন ছেমি ফাইনেলত মানচেষ্টাৰ চিটিয়ে চাউথমপটনৰ বিৰুদ্ধে খেলিব, দ্বিতীয় ছেমি ফাইনেলত চেলছীয়ে লিডছ ইউনাইটেডৰ বিৰুদ্ধে খেলিব। সপ্তাহৰ শেষৰ ফালে ২৫ আৰু ২৬ এপ্ৰিলত দুয়োখন মেচ অনুষ্ঠিত হ’ব ।
ছেমি ফাইনেলৰ দুয়োখন মেচ ৱেম্বলী ষ্টেডিয়ামত অনুষ্ঠিত হ’ব।
কোৱাৰ্টাৰ ফাইনেলত মানচেষ্টাৰ চিটিয়ে লিভাৰপুলক ৪-০ গ’লত পৰাস্ত কৰি দৰ্শনীয় ৰূপত অন্তিম চাৰিটাত প্ৰৱেশ কৰে। লীগ ৱান দল প’ৰ্ট ভেলক ৭-০ গ’লত পৰাস্ত কৰে চেলছীয়ে। কোৱাৰ্টাৰ ফাইনেলৰ আটাইতকৈ ডাঙৰ ওলট পালট হৈছিল যেতিয়া চাউথমপটনে আৰ্চেনালৰ বিৰুদ্ধে ২-১ গ’লত জয়লাভ কৰি সকলোকে স্তম্ভিত কৰি তুলিছিল।
লিডছ ইউনাইটেডে পেনাল্টি শ্বুটআউটত ৱেষ্ট হাম ইউনাইটেডক পৰাস্ত কৰি ৩৯ বছৰৰ পাছত ছেমি ফাইনেলত প্ৰৱেশ কৰে।
ছেমিফাইনেল খেলৰ সময়সূচী:
চেলছী বনাম লিডছ ইউনাইটেড – ২৫ এপ্ৰিল।
চাউথমপটন বনাম মানচেষ্টাৰ চিটি – ২৬ এপ্ৰিল।
हिन्दुस्थान समाचार / Manoj Kumar Saikia
07 Apr 2026
