গোলাঘাট, ০৬ এপ্ৰিল(হি.স.)। গোলাঘাট জিলাৰ সৰুপথাৰ সমষ্টিৰ বিজেপি বিধায়ক বিশ্বজিৎ ফুকনৰ বাসগৃহৰ চৌহদত আজি পুৱাই এটা গ্ৰেনেড উদ্ধাৰ হোৱাৰ ঘটনাই চাঞ্চল্যৰ সৃষ্টি কৰে । পুৱাই বিধায়ক গৰাকীৰ পুৰণি ঘৰৰ চৌহদত উদ্ধাৰ হয় গ্ৰেনেডটো । সৌভাগ্যক্ৰমে বিস্ফোৰিত হোৱা নাই গ্ৰেনেডটো । কিন্তু গ্ৰেনেডটোৰ পিন খোলা অৱস্থাত আছে ।

স্থানীয় ৰাইজে গ্ৰেনেডটো প্ৰত্যক্ষ কৰি খবৰ দিয়ে আৰক্ষীক । ঘটনাস্থলীত উপস্থিত হৈ আৰক্ষীয়ে আৰম্ভ কৰিছে তদন্ত । আৰক্ষী সন্দেহ কৰা অনুসৰি কোনো দুৰ্বিত্তই নিশাই অঞ্চলটোত এক উত্তেজনা সৃষ্টি কৰিবলৈ এইদৰে গ্ৰেনেড নিক্ষেপ কৰিব পাৰে বুলি সংবাদ মাধ্যমক অবগত কৰে।

হিন্দুস্থান সমাচাৰ / ৰমেন বৰ্মণ