কাঠমাণ্ডু, ০৫ এপ্ৰিল (হি.স.)। প্রাক্তন প্রধানমন্ত্রী কে পি শর্মা অলি আৰু প্রাক্তন গৃহমন্ত্রী ৰমেশ লেখকে দাখিল কৰা জামিন আবেদন সন্দর্ভত আজি (ৰবিবাৰ) উচ্চতম ন্যায়ালয়ত শুনানিৰ দিন ধাৰ্য কৰা হৈছে ৷

ন্যায়াধীশ বিনোদ শৰ্মা আৰু সুনীল পোখৰেলৰ যুটীয়া বিচাৰপীঠৰ সন্মুখত তেওঁলোকৰ আবেদন দাখিল কৰা হৈছে ।

‘জেন জি’ আন্দোলনৰ ঘটনাৰ তদন্তৰ বাবে গৌৰী বাহাদুৰ কাৰ্কী নেতৃত্বাধীন তদন্ত আয়োগৰ প্ৰতিবেদন কাৰ্যকৰী কৰি ২৮ মাৰ্চৰ পৰা তদানীন্তন প্ৰধানমন্ত্ৰী অলী আৰু গৃহমন্ত্ৰী লেখকক আৰক্ষীৰ জিম্মাত ৰখা হৈছে।

২৯ মাৰ্চত উচ্চতম ন্যায়ালয়ত জামিন আবেদন দাখিল কৰি তেওঁলোকৰ গ্ৰেপ্তাৰক অবৈধ বুলি অভিহিত কৰি মুক্তি বিচাৰিছিল। সেইদিনা আদালতে জামিন আবেদন সন্দৰ্ভত কোনো অন্তৱৰ্তীকালীন নিৰ্দেশ দিবলৈ অস্বীকাৰ কৰিছিল।

জামিনত অন্তৱৰ্তীকালীন নিৰ্দেশ নিদিয়াৰ পিছতো উচ্চতম ন্যায়ালয়ে নেপাল চৰকাৰক কাৰণ দেখুৱাবলৈ নিৰ্দেশ জাৰি কৰে। চৰকাৰে লিখিত শপতনামা দাখিল কৰাৰ পিছত এতিয়া শুনানিৰ দিন নিৰ্ধাৰণ কৰা হৈছে।

हिन्दुस्थान समाचार / মনোজ কুমাৰ শইকীয়া