ইস্তানবুল, ৩০ এপ্ৰিল (হি.স.)। তুৰ্কী এয়াৰলাইন্সে ১ মে’ৰ পৰা পশ্চিম এছিয়াৰ তিনিখন ডাঙৰ চহৰ ডামাস্কাছ, বেইৰুট আৰু আম্মানলৈ পুনৰ বিমান সেৱা আৰম্ভ কৰাৰ কথা ঘোষণা কৰিছে।

বিমান সংস্থাটোৰ মতে, ২৮ ফেব্ৰুৱাৰীৰ পৰা এই পথসমূহত বিমান সেৱা বন্ধ কৰি দিয়া হৈছিল।সেই সময়ত অঞ্চলটোত বিশেষকৈ ইৰাণৰ ওপৰত আমেৰিকা আৰু ইজৰাইলে আক্ৰমণৰ পিছত উত্তেজনা বৃদ্ধি পোৱাৰ ফলত কেইবাখনো দেশৰ আকাশমাৰ্গ প্ৰভাৱিত হৈছিল, যাৰ বাবে বিমান সেৱা বন্ধ কৰিবলগীয়া হৈছিল।

এতিয়া অঞ্চলটোত কিছু পৰিমাণে স্বাভাৱিক অৱস্থালৈ ঘূৰি অহাৰ লক্ষণ দেখা পোৱাৰ লগে লগে বিমান সংস্থাটোৱে এই গুৰুত্বপূৰ্ণ পথসমূহত পুনৰ সেৱা আৰম্ভ কৰাৰ সিদ্ধান্ত লৈছে। এই পদক্ষেপক ভ্ৰমণকাৰী আৰু ব্যৱসায়িক কাৰ্যকলাপৰ বাবে সকাহ বুলি গণ্য কৰা হৈছে, কিয়নো এই তিনিখন চহৰ আঞ্চলিক সংযোগৰ বাবে অতি গুৰুত্বপূৰ্ণ।

পুনৰ বিমান সেৱা আৰম্ভ হ’লে বিমান পৰিবহণৰ উন্নতি হোৱাই নহয়, আঞ্চলিক অৰ্থনৈতিক কাৰ্যকলাপও বৃদ্ধি পাব। ইয়াৰ উপৰিও যোৱা কেইমাহমানৰ পৰা এই পথসমূহত বিকল্প ভ্ৰমণ ব্যৱস্থাৰ ওপৰত নিৰ্ভৰশীল যাত্ৰীসকলে বিশেষ সকাহ লাভ কৰিব।

हिन्दुस्थान समाचार / মনোজ কুমাৰ শইকীয়া