বাক্সা, ০৩ এপ্ৰিল (হি.স.)। সমাগত বিধানসভা নিৰ্বাচন উপলক্ষে জোৰদাৰ হৈ পৰিছে প্ৰচাৰ অভিযান। বাক্সাৰ মানাহ বিধানসভা সমষ্টিৰ নিমুৱাত আজি প্ৰচাৰ চলায় বিপিএফ প্ৰধান হাগ্ৰামা মহিলাৰীয়ে । সমষ্টিটোৰ এনডিএ সমৰ্থিত বিপিএফৰ প্ৰাৰ্থী থানেশ্বৰ বসুমতাৰীৰ হৈ নিৰ্বাচনী প্ৰচাৰ চলায় হাগ্ৰামা মহিলাৰীয়ে। ভাষণত বিটিচিত শান্তি আৰু উন্নয়নেই হৈছে বিপিএফ দলৰ মূল উদ্দেশ্য বুলি মন্তব্য কৰে হাগ্ৰামা মহিলাৰীয়ে । বিটিচিত এশ শতাংশই মাটিৰ পট্টা দিব বুলিও প্ৰতিশ্ৰুতি দিয়ে হাগ্ৰামা মহিলাৰীয়ে।
ইফালে প্ৰচাৰ সভাৰ অন্তত সাংবাদিকৰে হোৱা সাক্ষাৎকাৰত কেবাটাও মন্তব্য কৰে হাগ্ৰামা মহিলাৰীয়ে । তেওঁ কয় যে মানাহকে ধৰি বিটিচিৰ আটাইকেইটা সমষ্টিতে এনডিএ হিচাপে জিকিব। লগতে ইউপিপিএলক তীব্ৰ সমালোচনা কৰে হাগ্ৰামা মহিলাৰীয়ে । প্ৰমোদ বড়োৰ কথা শুনি কাম কৰিলে মৰি যাব বুলিও কটাক্ষ কৰে বিপিএফ প্ৰধান হাগ্ৰামা মহিলাৰীয়ে ।
---------------
হিন্দুস্থান সমাচাৰ / প্ৰকাশ ডেকা