চণ্ডীগড়, ২৮ এপ্ৰিল (হি.স.)। আম আদমী পাৰ্টিৰ (আআপা) ভিতৰত ৰাজনৈতিক সংকট গভীৰ হৈ পৰিছে ৰাজ্যসভাৰ সাতজন সাংসদে দল এৰি যোৱাৰ পাছত। বিধায়কসকলৰ মাজত বিভাজনৰ জল্পনা-কল্পনাৰ মাজতে দলৰ ভাৰপ্ৰাপ্ত বিষয়া তথা দিল্লীৰ প্ৰাক্তন উপ-মুখ্যমন্ত্ৰী মনীষ চিছ’দিয়াই অহা ২৯ এপ্ৰিলত জলন্ধৰত সকলো বিধায়কৰ বৈঠক আহ্বান কৰিছে। ব্লক পৰ্যবেক্ষক আৰু ফ্ৰন্টাল সংগঠনৰ মুৰব্বীকো আমন্ত্ৰণ জনোৱা হৈছে।
এই বৈঠকত মুখ্যমন্ত্ৰী ভগৱন্ত মানেও অংশগ্ৰহণ কৰিব। এই বৈঠকত সাতজন সাংসদৰ বিদায়ৰ পিছত বিধায়কসকলৰ আমেজ জোখা হ’ব।
ৰাজ্যসভাৰ সাংসদ ৰাঘৱ চাধাৰ এজন ঘনিষ্ঠ সহযোগীয়ে দাবী কৰিছে যে পঞ্জাৱৰ বৰ্তমানৰ ৯৪ জন বিধায়কৰ ভিতৰত ৬০+ জন বিধায়কৰ সংস্পৰ্শত আছে। ইয়াৰ ফলত পঞ্জাৱ চৰকাৰৰ প্ৰতি ভাবুকিৰ সৃষ্টি হ’ব পাৰে। এই সম্ভাৱ্য ভাবুকিৰ প্ৰতি লক্ষ্য ৰাখি আম আদমী পাৰ্টিয়ে সকলো বিধায়ক, নেতা, কৰ্মীক সংগঠিত কৰিবলৈ আৰম্ভ কৰিছে। এই সভাখন এই দিশত আহ্বান কৰা হৈছে।
हिन्दुस्थान समाचार / মনোজ কুমাৰ শইকীয়া
