লখিমপুৰ খেৰী, ২৮ এপ্ৰিল (হি.স.)। উত্তৰ প্ৰদেশৰ লখিমপুৰ খেৰী জিলাৰ ফৰধান থানা এলেকাৰ বেহজাম ৰোডত সোমবাৰে গভীৰ নিশা এখন তীব্ৰবেগী গাড়ী আৰু দুখন মটৰ চাইকেল সংঘৰ্ষ কৰে। দুয়োখন মটৰ চাইকেল চলোৱা চাৰিজন লোকৰ থিতাতে মৃত্যু হয়। আন দুজন গুৰুতৰভাৱে আহত। আৰক্ষীয়ে মৃতদেহ দুটা মৰণোত্তৰ পৰীক্ষাৰ বাবে প্ৰেৰণ কৰি তদন্ত আৰম্ভ কৰে।
চিটি চাৰ্কল অফিচাৰ বিবেক তিৱাৰীয়ে জনোৱা মতে, নিহত নিমগাঁও আৰক্ষী থানা এলেকাৰ বাসিন্দা হিতেশ শুক্লা (৪২), সোণৌৰা গাঁৱৰ বাসিন্দা হৰি কিষান (৪০), অনুজ কুমাৰ (৩৫), আৰু আদৰ্শ, দুয়োজনেই বাছাৰা গাঁৱৰ। আন দুজন গুৰুতৰভাৱে আহত। ঘটনা সন্দৰ্ভত তথ্য লাভ কৰাৰ লগে লগে আৰক্ষীয়ে ঘটনাস্থলীত উপস্থিত হয় আৰু লগে লগে আহতসকলক চিকিৎসালয়লৈ লৈ যায়, য’ত তেওঁলোকৰ অৱস্থা সংকটজনক বুলি জানিব পৰা গৈছে।
পৰিয়ালৰ লোকৰ সৈতে হোৱা সাক্ষাৎকাৰত প্ৰকাশ পাইছে যে সোমবাৰে নিশা ছয়জন লোকেই দুখন বাইকেৰে এখন বিয়ালৈ গৈছিল। গভীৰ নিশা উভতি অহাৰ সময়ত বেহজাম ৰোডৰ লখনাপুৰ কালভাৰ্টৰ সমীপত এখন তীব্ৰবেগী গাড়ীয়ে তেওঁলোকৰ বাইকত খুন্দা মাৰে। ইয়াৰ প্ৰভাৱ ইমানেই ভয়াৱহ আছিল যে, বাইকাৰসকলক থেতেলিয়াই পেলোৱাৰ পিছত গাড়ীখনে নিয়ন্ত্ৰণ হেৰুৱাই পথৰ কাষৰ খাৱৈত পৰি যায়। আন্ধাৰৰ সুযোগ লৈ গাড়ীত থকা ডেকা ল’ৰাকেইটা পলাই গ’ল।
চক্ৰ বিষয়াগৰাকীয়ে উল্লেখ কৰে যে ফৰধান থানাই মৃতদেহকেইটা মৰণোত্তৰ পৰীক্ষাৰ বাবে প্ৰেৰণ কৰিছে। ক্ষতিগ্ৰস্ত বাহনসমূহ জব্দ কৰাৰ লগতে পলাতক গাড়ীত থকা লোকসকলৰ সন্ধানত তালাচী অব্যাহত আছে। উত্তেজনাৰ পৰিপ্ৰেক্ষিতত অঞ্চলটোত আৰক্ষী মোতায়েন কৰা হৈছে।
हिन्दुस्थान समाचार / মনোজ কুমাৰ শইকীয়া
