লণ্ডন, ২৮ এপ্ৰিল (হি.স.)। ইংলেণ্ডৰ মহিলা ক্ৰিকেট দলটোৱে ২০১৭ চনৰ মহিলা এদিনীয়া বিশ্বকাপৰ পাছত সফল নহ’লেও এতিয়া জুন মাহত ঘৰুৱা ক্ষেত্ৰত অনুষ্ঠিত হ’বলগীয়া ২০২৬ চনৰ টি-২০ বিশ্বকাপত এই খৰাং পৰিস্থিতিৰ অন্ত পেলোৱাৰ লক্ষ্য ল’ব। দলৰ অধিনায়ক নেট সুভাৰ-ব্ৰণ্টে স্পষ্ট কৰি দিছে যে এইবাৰ লক্ষ্য হৈছে খিতাপ জয় কৰা।

২০২৫ চনৰ এপ্ৰিল মাহত হিথাৰ নাইটৰ পৰা ইংলেণ্ডৰ অল ফৰ্মেটৰ অধিনায়কত্ব গ্ৰহণ কৰিছিল সুভাৰ-ব্ৰণ্টে। এই টি-২০ বিশ্বকাপ তেওঁৰ নেতৃত্বত অনুষ্ঠিত হ’ব দ্বিতীয়খন বৃহৎ আন্তঃৰাষ্ট্ৰীয় ক্ৰিকেট পৰিষদৰ (আইচিচি) প্ৰতিযোগিতা, আৰু ঘৰুৱা ক্ষেত্ৰত প্ৰথমখন প্ৰতিযোগিতা। যোৱা বছৰ ভাৰত আৰু শ্ৰীলংকাত অনুষ্ঠিত হোৱা ৫০ অভাৰৰ বিশ্বকাপত দলটোৰ অধিনায়কত্ব কৰিছিল সুভাৰ-ব্ৰণ্টে, য’ত ইংলেণ্ড দক্ষিণ আফ্ৰিকাৰ হাতত ছেমি ফাইনেলত বাহিৰ হৈছিল।

বিবিচি স্প’ৰ্টছৰ সৈতে হোৱা এক সাক্ষাৎকাৰত নেট সুভাৰ-ব্ৰণ্টে কয় যে আমি নিশ্চিতভাৱে যিমান বিচাৰো সিমান খিতাপ জয় কৰা নাই, আৰু আমি স্পষ্টভাৱে বিচাৰো যে এই গ্ৰীষ্মকালত সেইটো সলনি হওক। তেওঁ লগতে কয়, এটা জয়েই এই দেশৰ মহিলা ক্ৰিকেটৰ মুখখন সলনি কৰিব পাৰে। কেৱল সেই লক্ষ্যই যিকোনো ব্যক্তিক প্ৰেৰণা যোগাবলৈ যথেষ্ট। আনকি ই আমাৰ দলৰ পৰিচয়ও সলনি কৰিব পাৰে। ২০১৭ চনৰ পৰা আমি সেয়া কৰিব পৰা নাই, কিন্তু ধাৰাবাহিকভাৱে ভাল দল হোৱাটো সকলোৰে লক্ষ্য।

লগতে কয়, ‘মই আশা কৰিছো যে আমি এটা স্থায়ীভাৱে শক্তিশালী দল হ’ব পাৰিম আৰু আমি সেই যাত্ৰা আৰম্ভ কৰিব বিচাৰিম টি-২০ বিশ্বকাপ জয়েৰে।’

ইংলেণ্ডে গ্ৰুপ বিত ডিফেণ্ডিং চেম্পিয়ন নিউজিলেণ্ড, ৱেষ্ট ইণ্ডিজ, শ্ৰীলংকা, আয়াৰলেণ্ড, স্কটলেণ্ডৰ সৈতে ড্ৰ’ কৰিছে। অহা ১২ জুনত শ্ৰীলংকাৰ বিৰুদ্ধে ১২টা দলৰ প্ৰতিযোগিতাত ইংলেণ্ডে অভিযান আৰম্ভ কৰিব।

हिन्दुस्थान समाचार / অৰৱিন্দ