গেংটক, ২৭ এপ্ৰিল (হি.স.)। ছিকিম ভ্ৰমণৰ সময়ত প্ৰধানমন্ত্ৰী নৰেন্দ্ৰ মোদীয়ে ছিকিম কেন্দ্ৰীয় বিশ্ববিদ্যালয়ৰ স্থায়ী চৌহদ উদ্বোধন কৰিব। প্ৰায় ১৯ বছৰৰ মূৰত উদ্বোধন কৰা হৈছে বিশ্ববিদ্যালয়খনৰ স্থায়ী চৌহদ। গংটকৰ পৰা প্ৰায় ৫৫ কিলোমিটাৰ দূৰত্বত নামচি জিলাৰ ইয়াংগাং অঞ্চলত অৱস্থিত এই স্থায়ী চৌহদটো।
শিকিমৰ লোকসভা সাংসদ ইন্দ্ৰ হাং সুব্বাই বিশ্ববিদ্যালয়ৰ স্থায়ী কেম্পাছৰ উদ্বোধন সম্পৰ্কে প্ৰধানমন্ত্ৰীজনৰ দ্বাৰা খঙালী প্ৰকাশ কৰিছে। লগতে তেওঁ শিকিম ডেমোক্ৰেটিক ফ্ৰণ্ট (এছডিএফ)ৰ পূৰ্বৰ চৰকাৰৰ ওপৰত কেম্পাছ অবহেলা কৰাৰ আৰু তাক অসম্পূৰ্ণ অৱস্থাত এৰি থোৱা অভিযোগ দিছে।
সোমবাৰে বিয়লি ছিকিমত উপস্থিত হৈ প্ৰধানমন্ত্ৰী নৰেন্দ্ৰ মোডীয়ে ৰোড শ্ব’ত অংশগ্ৰহণ কৰিব । ভ্ৰমণৰ দ্বিতীয় আৰু অন্তিম দিনটোত তেওঁ গেংটকৰ পালজোৰ ষ্টেডিয়ামত ছিকিম ৰাজ্যৰ ৫০ বছৰীয়া জয়ন্তীৰ সামৰণি অনুষ্ঠানত অংশগ্ৰহণ কৰিব। এই উপলক্ষে তেওঁ সমাৱেশত ভাষণ দি ছিকিম বিশ্ববিদ্যালয়ৰ স্থায়ী চৌহদকে ধৰি বিভিন্ন প্ৰকল্পৰ উদ্বোধন আৰু আধাৰশিলা স্থাপন কৰিব।
শাসকীয় ছিকিম ক্ৰান্তিকাৰী মৰ্চাৰ সাংসদ চুব্বাই আজি এক বিবৃতিত কয় যে ১৯ বছৰৰ দীৰ্ঘ অপেক্ষাৰ অন্তত বিশ্ববিদ্যালয়খনৰ বাবে এক নতুন অধ্যায় আৰম্ভ হ’বলৈ ওলাইছে। তেওঁ কয় যে ২০০৭ চনত ছিকিমৰ পাহাৰীয়া অঞ্চলত শিক্ষাৰ ৰেখা হিচাপে পৰিগণিত হোৱাৰ লগতে ভৱিষ্যত প্ৰজন্মক জ্ঞান, মৰ্যাদা, প্ৰগতিৰ দিশত আগুৱাই নিয়াৰ লক্ষ্যৰে বিশ্ববিদ্যালয়খন প্ৰতিষ্ঠা কৰা হৈছিল । ২০২৬ চনৰ ২৮ এপ্ৰিলত প্ৰধানমন্ত্ৰীয়ে ভাৰ্চুৱেলি উদ্বোধন কৰিব এই স্থায়ী চৌহদটো।
পূৰ্বৰ চৰকাৰক দোষাৰোপ কৰি সাংসদ চুব্বাই কয় যে দীৰ্ঘদিন ধৰি বিশ্ববিদ্যালয়খনৰ স্থায়ী চৌহদটো স্থবিৰ, অৱহেলিত, আৰু অসম্পূৰ্ণ হৈয়েই আছে। প্ৰয়োজনীয় অগ্ৰাধিকাৰৰ অভাৱৰ বাবে ছাত্ৰ-ছাত্ৰীসকলে বছৰ বছৰ ধৰি অনিশ্চয়তাৰ মাজত অধ্যয়ন কৰিছিল, আৰু প্ৰতিষ্ঠানটোৱে নিজৰ স্থায়ী স্থান বিচাৰি উলিয়াব পৰা নাছিল।
তেওঁ আত্মবিশ্বাস প্ৰকাশ কৰে যে এই কেম্পাছ উদ্বোধনৰ লগে লগে এটা নতুন অধ্যায় আৰম্ভ হ’ব, আৰু ই কেৱল এটা অট্টালিকা নহয়, বৰঞ্চ সত্য, উন্নয়ন আৰু আশাৰ প্ৰতীক হ’ব। তেওঁ বিশ্ববিদ্যালয়খনক সংস্কৃতি আৰু বিজ্ঞান, পৰম্পৰা আৰু আধুনিকতা, আৰু স্থানীয় পৰিচয় আৰু বিশ্বব্যাপী উৎকৃষ্টতাক একত্ৰিত কৰা কেন্দ্ৰ হিচাপে গঢ়ি তোলাৰ ইচ্ছা প্ৰকাশ কৰে।
উল্লেখযোগ্য যে ২০০৭ চনত ছিকিম কেন্দ্ৰীয় বিশ্ববিদ্যালয় প্ৰতিষ্ঠা হৈছিল যদিও মাটি অধিগ্ৰহণ, ক্ষতিপূৰণ, আৰু অন্যান্য বিবাদে দীৰ্ঘদিন ধৰি স্থায়ী চৌহদ নিৰ্মাণত বাধাৰ সৃষ্টি কৰিছিল। বহু বছৰ ধৰি গংটকৰ বিভিন্ন ভাড়াঘৰৰ পৰা বিশ্ববিদ্যালয়খন চলিছিল। এতিয়া ইয়াৰ কিছুমান বিভাগে স্থায়ী চৌহদত কাম কৰিবলৈ আৰম্ভ কৰিছে।
हिन्दुस्थान समाचार / মনোজ কুমাৰ শইকীয়া
