গুৱাহাটী, ২৭ এপ্ৰিল (হি.স.)। ৰে'লৱে কৰ্মচাৰীকেধৰি সাধাৰণ ৰাইজৰ ৰে'ল ভ্ৰমণ সম্পৰ্কীয় অভিজ্ঞতাৰ অন্বেষণ আৰু সেই অভিজ্ঞতাৰ আধাৰত ৰে'লৰ সুবিধা উন্নত কৰা আৰু হিন্দী ভাষাৰ ব্যৱহাৰ বৃদ্ধি কৰাৰ লক্ষ্যৰে ৰে'ল মন্ত্ৰালয়ে ৰে'ল যাত্ৰা বৃত্তান্ত পুৰস্কাৰ যোজনা নামৰ এক প্ৰতিযোগিতাৰ আয়োজন কৰিছে। এই প্ৰতিযোগিতাৰ উদ্দেশ্য হৈছে ৰেলৱে সা-সুবিধাউন্নত কৰা আৰু হিন্দীৰ ব্যৱহাৰক উৎসাহিত কৰা।
ভাৰতৰ প্ৰতিজন নাগৰিকে তেওঁৰ জীৱনকালত শতাধিকবাৰ ৰেলযোগে ভ্ৰমণ কৰে। ৰেল ভ্ৰমণৰ মনোৰম অভিজ্ঞতাসমূহ তেওৰ মনত গভীৰভাৱে সাঁচ বহুয়াইযায়। ৰেল ভ্ৰমণৰ এই মধুৰ স্মৃতিসমূহ লিখি, এতিয়া তেওঁপুৰস্কাৰোজিকিবপাৰিব।
এই আঁচনিৰ বিজয়ীসকলক নগদ পুৰস্কাৰ আৰু প্ৰশংসাপত্ৰ প্ৰদান কৰা হ'ব। ইয়াৰ অধীনত ১০,০০০ টকাৰ প্ৰথম পুৰস্কাৰ,৮,০০০ টকাৰ দ্বিতীয় পুৰস্কাৰ আৰু ৬,০০০ টকাৰ তৃতীয় পুৰস্কাৰ প্ৰদান কৰা হ'ব। ইয়াৰ উপৰিও, পাঁচটা সান্ত্বনা পুৰস্কাৰো আছে, য'ত প্ৰতিজনকে৪০০০টকাকৈ প্ৰদান কৰা হ'ব।
ৰেল ভ্ৰমণকাহিনী মূলতঃ হিন্দী ভাষাতআৰু মৌলিক হ'ব লাগে। নিম্নতম ৩০০০শব্দ আৰু সৰ্বাধিক ৩৫০০শব্দ ব্যৱহাৰ কৰিব লাগিব। ৰেল ভ্ৰমণকাহিনী ডাবলস্পেচত টাইপ কৰিব লাগিব আৰু চাৰিওদিশত এক ইঞ্চিকৈ মাৰ্জিন থাকিব লাগিব। মুঠ শব্দৰ সংখ্যা উল্লেখ কৰিব লাগিব আৰু পৃষ্ঠাসমূহত নম্বৰ দি যাব লাগিব। কাহিনীৰ আৰম্ভণিতে এখন পূৰ্ণ কাগজত বৰফলা আখৰত প্ৰতিযোগীৰ নাম, পদবী, বয়স, কাৰ্যালয়/বাসস্থানৰ ঠিকনা,মাতৃভাষা,ম'বাইল নম্বৰ,ই-মেইল,কাহিনীটোৰ মুঠ শব্দৰ সংখ্যা ইত্যাদি উল্লেখ কৰিব লাগিব।
এই আঁচনিখনত অংশগ্ৰহণ কৰিব বিচৰা কেন্দ্ৰীয় বা ৰাজ্য চৰকাৰৰ সেৱাত নিয়োজিত বিষয়া/কৰ্মচাৰীসকলে এই সন্দৰ্ভত ঘোষণা কৰিব লাগিব যে সতৰ্কতা/অনুশাসন আৰু আপীল নিয়মৰ সৈতে কোনো গোচৰ তেওঁলোকৰ বিৰুদ্ধে বিচাৰাধীন অথবা বিবেচনাধীনহৈ থকা নাই। যিসকল আৱেদনকাৰী চৰকাৰী সেৱাত নাই, তেওঁলোকে এই বিষয়ত ঘোষণা কৰিব লাগিব যে তেওঁলোকৰ বিৰুদ্ধে কোনো অপৰাধমূলক গোচৰ চলি থকা নাই বা তেওঁলোকে কোনো ধৰণৰ শাস্তিৰ সন্মুখীন হোৱা নাই।
ইয়াৰ বাহিৰেও, সকলো অংশগ্ৰহণকাৰীয়ে এখন ঘোষণাপত্ৰ দাখিল কৰিব লাগিব য'ত উল্লেখ কৰা থাকিব যে সম্পৰ্কিত ৰেল ভ্ৰমণকাহিনী হৈছে মোৰ মূল ৰচনা, ইয়াক আন কোনো পুৰস্কাৰ আঁচনিৰ অধীনত পুৰস্কৃত কৰা হোৱা নাই।
অংশগ্ৰহণ কৰিবলৈ ইচ্ছুক যিকোনো ভাৰতীয় নাগৰিকে ৩১জুলাই, ২০২৬-ৰ ভিতৰত নিশ্চিতভাৱে এন্ট্ৰীৰ দুটা প্ৰতিলিপিসহকাৰী সঞ্চালক, হিন্দী (প্ৰশিক্ষণ),কোঠা নং ৩১৬–চিঅএফএমঅডব্লিউ ৰেলৱে কাৰ্যালয় পৰিসৰ,তিলক ব্ৰীজ,আইটিঅ',নিউদিল্লী- ১১০০০২ ঠিকনাত প্ৰেৰণ কৰিব লাগিব। লিখনিৰ এটা প্ৰতিলিপি প্ৰাপ্ত হলে,প্ৰবেশৰ প্ৰবিষ্টিটো নাকচ কৰা হ'ব। অন্তিম তাৰিখৰ পিছত প্ৰাপ্ত প্ৰবিষ্টিসমূহ মন্ত্ৰালয়ৰ দ্বাৰা বিবেচনা কৰা নহ’ব।
হিন্দুস্থান সমাচাৰ / আলোক চক্ৰৱৰ্তী
