যোৰহাট, ২৭ এপ্ৰিল (হি.স.)। নাৰীৰ অধিকাৰৰ ওপৰত প্ৰহাৰ কংগ্ৰেছ জিম্মেদাৰ যোৰহাট জিলা বিজেপি মহিলা মৰ্চাই আজি যোৰহাট জিলা ক্ৰীড়া সন্থাৰ খেলপথাৰৰ পৰা জন আক্ৰোশ মহিলা পদযাত্ৰা বাহিৰ কৰে ।
উল্লেখ্য যে, কংগ্ৰেছ তথা 'ইণ্ডি' মিত্ৰজোঁটৰ নাৰী-বিৰোধী চক্ৰান্তক তথ্যসহকাৰে উদঙাই দিয়া হয় । বিশেষকৈ 'নাৰী শক্তি বন্দন সংশোধনী বিধেয়ক-২০২৬' ৰ বিৰুদ্ধে তেওঁলোকে গ্ৰহণ কৰা স্থিতিৰ তীব্ৰ বিৰোধিতা কৰি স্পষ্ট মত দাঙি ধৰে । কংগ্ৰেছে দশক দশক ধৰি নাৰীক কেৱল 'ভোট বেংক' হিচাপে ব্যৱহাৰ কৰি আহিছে । সংসদত নাৰীৰ অংশগ্ৰহণ আৰু ৰাজনৈতিক ক্ষমতা সৰ্বসাধাৰণ মহিলাৰ হাতলৈ যোৱাটো তেওঁলোকে কেতিয়াও বিচৰা নাছিল । ইয়াৰ বিপৰীতে প্ৰধানমন্ত্ৰী নৰেন্দ্ৰ মোদীৰ নাৰীৰ ৰাজনৈতিক অধিকাৰ সুৰক্ষিত কৰিবলৈ বলিষ্ঠ পদক্ষেপ গ্ৰহণ কৰিছে । পূৰ্বৰ আইনৰ জটিলতা, লোকপিয়ল আৰু সমষ্টি পুনৰ নিৰ্ধাৰণৰ দৰে বিষয়বোৰ সমাধান কৰি কেনেকৈ মহিলাৰ অংশগ্ৰহণ অতি শীঘ্ৰে নিশ্চিত কৰিব পাৰি, তাৰ বাবে চৰকাৰ দায়বদ্ধ বুলি কয় ৰুমী চেতিয়াই ।
হিন্দুস্থান সমাচাৰ / কিশোৰ মিশ্ৰ
