নতুন দিল্লী, ২৭ এপ্ৰিল (হি.স.)। ফিনটেক কোম্পানী ৱান মবিকুইক চিষ্টেমছে নন-বেংকিং ফাইনেন্সিয়েল কোম্পানী (এন বি এফ চি) অনুজ্ঞাপত্ৰৰ বাবে ভাৰতীয় ৰিজাৰ্ভ বেংকৰ পৰা নীতিগত অনুমোদন লাভ কৰিছে। ইয়াৰ পিছত কোম্পানীটোৰ শ্বেয়াৰ ১৫%তকৈ অধিক বৃদ্ধি পায়।
বিত্তীয় প্ৰযুক্তি কোম্পানী ৱান মবিক্ৱিক চিষ্টেমছে সোমবাৰে ঘোষণা কৰে যে তেওঁলোকে ৰিজাৰ্ভ বেংকৰ পৰা নন-বেংকিং বিত্তীয় কোম্পানী (এনবিএফচি)ৰ অনুজ্ঞাপত্ৰ লাভ কৰিছে। কোম্পানীটোৱে জনোৱা মতে, এই অনুজ্ঞাপত্ৰৰ অধীনত তেওঁলোকৰ সম্পূৰ্ণ মালিকানাধীন সহযোগী কোম্পানী মবিকুইক ফাইনেন্সিয়েল চাৰ্ভিচেছ প্ৰাইভেট লিমিটেড (এমএফএছপিএল)ৰ জৰিয়তে নতুন ঋণৰ ব্যৱসায় আৰম্ভ কৰিব।
কোম্পানীটোৰ মতে, নতুন এনবিএফচিয়ে মবিক্ৱিকৰ ১৮৬ মিলিয়নতকৈ অধিক গ্ৰাহকৰ ভিত্তি, শক্তিশালী প্ৰযুক্তিৰ আন্তঃগাঁথনি, বিপদ মূল্যায়ন আৰু পুনৰুদ্ধাৰ ক্ষমতাৰ লাভ উঠাব। ইয়াৰ ফলত কোম্পানীটোৱে নিয়ন্ত্ৰিত ঋণ সেৱা সম্প্ৰসাৰণ, নতুন ঋণ সামগ্ৰী বিকশিত কৰা, আৰু অধিক গ্ৰাহক আৰু ব্যৱসায়ীৰ ওচৰলৈ যোৱাত সহায় কৰিব।
কোম্পানীটোৰ কাৰ্যবাহী সঞ্চালক, সহ-প্ৰতিষ্ঠাপক তথা মুখ্য বিত্তীয় বিষয়া উপাছানা টাকুৱে কয় যে, এনবিএফচিৰ অনুজ্ঞাপত্ৰৰ অনুমোদন মবকৱিক গ্ৰুপৰ এক প্ৰধান বিত্তীয় সেৱাৰ মঞ্চ হিচাপে বৃদ্ধিৰ দিশত এক উল্লেখযোগ্য পদক্ষেপ। তেওঁ লগতে কয় যে চাৰি মাহতকৈ কম সময়ৰ ভিতৰত অনুমোদন লাভ কৰাটো গ্ৰুপটোৰ বিশ্বাসযোগ্যতাৰ প্ৰমাণ।
हिन्दुस्थान समाचार / অৰৱিন্দ
