কাঠমাণ্ডু, ২৬ এপ্ৰিল (হি.স.)। সদৌ নেপাল ফুটবল সন্থাৰ সভাপতি পংকজ বিক্ৰম নেম্বাঙকে ধৰি ২৪ গৰাকী বিষয়াৰ পাছপ’ৰ্ট ব্লেকলিষ্ট কৰি বহিঃৰাজ্য ভ্ৰমণত বাধা আৰোপ কৰা হৈছে।

ইমিগ্ৰেচন বিভাগৰ মতে, শুকুৰবাৰে এএনএফএৰ ২৪জন বিষয়াৰ পাছপ’ৰ্ট ব্লেকলিষ্ট কৰিবলৈ আবেদন লাভ কৰা হৈছে, যাৰ ভিত্তিত এই ব্যৱস্থা গ্ৰহণ কৰা হৈছে। এই পত্ৰ যুৱ আৰু ক্ৰীড়া মন্ত্ৰালয়ৰ জৰিয়তে গৃহ পৰিক্ৰমা মন্ত্ৰালয়লৈ গৈছিল। ইয়াৰ পিছতে গৃহ মন্ত্ৰালয়ে ইমিগ্ৰেচন বিভাগলৈ এখন পত্ৰ প্ৰেৰণ কৰে, যাৰ ফলত দেওবাৰে এএনএফএৰ বিষয়াসকলৰ পাছপ’ৰ্ট ব্লেকলিষ্ট কৰা হয়।

ইয়াৰ পূৰ্বে নেপালৰ ৰাষ্ট্ৰীয় ক্ৰীড়া পৰিষদে কাৰ্যবাহী সদস্য কমল ভট্টৰাইৰ নেতৃত্বত তিনিজনীয়া তদন্ত সমিতি গঠন কৰি এনএফএৰ সৈতে জড়িত বিষয়সমূহৰ তদন্ত কৰিছিল। ক্ৰীড়া পৰিষদৰ সদস্য ভট্টৰাইৰ মতে, বিত্তীয় বিষয়ৰ তদন্তৰ অংশ হিচাপে নেমবাং আৰু অন্যান্য বিষয়াৰ পাছপ’ৰ্ট ব্লেকলিষ্টিং সন্দৰ্ভত তদন্ত সমিতিখনে চিঠি-পত্ৰ দাখিল কৰিছিল।

ইমিগ্ৰেচন বিভাগে উল্লেখ কৰিছে যে ব্লেকলিষ্টত থকা কোনো ব্যক্তিয়ে যদি বিদেশ ভ্ৰমণৰ চেষ্টা কৰে তেন্তে ইমিগ্ৰেচন বিভাগে সংশ্লিষ্ট কৰ্তৃপক্ষক অৱগত কৰিব।

हिन्दुस्थान समाचार / মনোজ কুমাৰ শইকীয়া