নতুন দিল্লী, ২৬ এপ্ৰিল (হি.স.)। ইণ্ডিয়ান প্ৰিমিয়াৰ লীগ (আই পি এল)ৰ পঞ্জাব কিংছৰ বিৰুদ্ধে খেলখনত কেচ ল’বলৈ চেষ্টা কৰি গুৰুতৰভাৱে আঘাতপ্ৰাপ্ত হোৱা দিল্লী কেপিটেলছৰ ফাষ্ট বলাৰ লুংগী এনগিডিয়ে প্ৰথম প্ৰতিক্ৰিয়া প্ৰকাশ কৰিছে। দেওবাৰে নিজৰ ইনষ্টাগ্ৰামত এটা বাতৰি পোষ্ট কৰি ঙিডিয়ে লিখিছে, “মেছেজৰ বাবে ধন্যবাদ, সকলো ঠিকেই আছে।”

দিল্লীৰ অৰুণ জেটলী ষ্টেডিয়ামত শনিবাৰে পঞ্জাব কিংছৰ বিৰুদ্ধে খেলৰ সময়ত আঘাতপ্ৰাপ্ত হৈছিল ঙিডি। পাঞ্জাৱৰ বেটছমেন প্ৰিয়ংশ আৰিয়াক ধৰিবলৈ চেষ্টা কৰি থকা অৱস্থাত তেওঁ পিছলৈ পৰি যায়, মাটিত মূৰটো জোৰেৰে খুন্দা মাৰে। লগে লগে মূৰটো ধৰি মাটিত শুই পৰিল। লগে লগে পথাৰত উপস্থিত হয় চিকিৎসা কৰ্মী। কিছু সময়ৰ বাবে খেলখন বন্ধ হৈ পৰে। পিছত সতৰ্কতামূলক ব্যৱস্থা হিচাপে এম্বুলেন্সেৰে ঙিডিক চিকিৎসালয়লৈ লৈ যোৱা হয়।

মেচৰ পিছৰ সংবাদমেলত দিল্লী কেপিটেলছৰ ক্ৰিকেট সঞ্চালক ভেনুগোপাল ৰাৱে কয় যে, ‘মই ভাবো যে আঘাত গুৰুতৰ নহয়। আমি আপডেট দি থাকিম, কিন্তু পৰিস্থিতি বেছি চিন্তনীয় নহয়।’

মেচখনৰ কথা ক’বলৈ গ’লে প্ৰথমে বেটিং কৰা দিল্লী কেপিটেলে অ’পেনাৰ কে এল ৰাহুলৰ অপৰাজিত ১৫২ ৰান আৰু নীতিশ ৰানাৰ ৯১ ৰানৰ সহায়ত ২০ অভাৰত ২ উইকেটত ২৬৪ ৰান সংগ্ৰহ কৰে। ইয়াৰ প্ৰত্যুত্তৰত পঞ্জাব কিংছে অ’পেনাৰ প্ৰভসিমৰন সিঙৰ ৭৬, প্ৰিয়ংশ আৰ্য্যৰ ৪৩ আৰু অধিনায়ক শ্ৰেয়াছ আয়াৰৰ বিস্ফোৰক অপৰাজিত ৭১ ৰানৰ সহায়ত ৭ বল বাকী থকা অৱস্থাত ২৬৫ ৰানৰ অভিলেখ লক্ষ্য অৰ্জন কৰে।

দিল্লীৰ বলিং আছিল একেবাৰে দুৰ্বল। কেচৰ চেষ্টা কৰি আহত হোৱা এনগিডিক তেওঁলোকে মিছ কৰে। অৱশ্যে মেচখনত দিল্লীৰো ফিল্ডিং দুৰ্বল আছিল।

हिन्दुस्थान समाचार / Manoj Kumar Saikia