নতুন দিল্লী, ২৬ এপ্ৰিল (হি.স.)। ভাৰতীয় মহিলা দলৰ তাৰকা অল-ৰাউণ্ডাৰ দীপ্তী শৰ্মাই দক্ষিণ আফ্ৰিকাৰ বিৰুদ্ধে চতুৰ্থ টি-২০ত তেওঁৰ প্ৰদৰ্শনক লৈ আনন্দ প্ৰকাশ কৰে। 'মই অতি সুখী। মই সদায় নিজৰ ওপৰত বিশ্বাস কৰোঁ যে মই শক্তিশালী প্ৰত্যাৱৰ্তন কৰিম।'

দক্ষিণ আফ্ৰিকাৰ বিৰুদ্ধে চতুৰ্থ টি-২০ত দীপ্তি শৰ্মাই অল ৰাউণ্ডৰ চমৎকাৰ প্ৰদৰ্শনেৰে শক্তিশালী প্ৰত্যাৱৰ্তন কৰে। ২৮ বছৰীয়া খেলুৱৈগৰাকীয়ে প্ৰথমে ভাৰতীয় দলৰ ইনিংছত গুৰুত্বপূৰ্ণ অপৰাজিত ৩৬ ৰাণেৰে বেটিং কৰিছিল আৰু তাৰ পিছত বলৰ সৈতে এক তাৰকাময় প্ৰদৰ্শন আগবঢ়াইছিল। টি-২০ত প্ৰথমবাৰৰ বাবে পাঁচ উইকেট দখল কৰাটোৱেই আছিল টি-২০ত প্ৰথমবাৰৰ বাবে পাঁচ উইকেটৰ জয়। তেওঁৰ এই প্ৰদৰ্শনে দক্ষিণ আফ্ৰিকাৰ বিৰুদ্ধে পাঁচখন খেলৰ টি-২০ শৃংখলাত ভাৰতক প্ৰথমটো জয় নিশ্চিত কৰাত সহায় কৰে।

আন্তঃৰাষ্ট্ৰীয় ক্ৰিকেট পৰিষদৰ মতে, মেচৰ শ্ৰেষ্ঠ খেলুৱৈৰ বঁটা লাভ কৰাৰ পিছত দীপ্তী শৰ্মাই কয় যে, “মোক বিশ্বাস কৰা মোৰ সতীৰ্থসকলৰ সকলো কৃতিত্ব।”

দুৰ্বল ফৰ্মৰ সৈতে যুঁজি আহিছিল দীপ্তি শৰ্মাই। বিগত পাঁচখন টি-২০ত উইকেটবিহীন হৈ পৰা ছানীয়ে বেটৰ সৈতেও বেয়া প্ৰদৰ্শন আগবঢ়াইছিল। অৱশ্যে ভাৰতীয় দলৰ মুখ্য প্ৰশিক্ষক আমোল মুজুমদাৰে নিজৰ তাৰকা খেলুৱৈগৰাকীৰ প্ৰত্যাৱৰ্তনৰ ওপৰত আস্থা প্ৰকাশ কৰিছিল আৰু জোহান্সবাৰ্গত মেচ বিজয়ী প্ৰদৰ্শনেৰে সেই আত্মবিশ্বাস সঠিক বুলি প্ৰমাণ কৰিছিল দীপ্তিয়ে।

দক্ষিণ আফ্ৰিকাৰ বিৰুদ্ধে তৃতীয় টি-২০ খেলৰ পিছত মুজুমদাৰে দীপ্তী শৰ্মাক সমৰ্থন কৰি কয় যে, নিঃসন্দেহে তেওঁ এগৰাকী ডাঙৰ খেলুৱৈ। আমি তেওঁক বিশ্বকাপ, ডাঙৰ প্ৰতিযোগিতা, আৰু হেঁচাত ভাৰতৰ হৈ উজ্জ্বল প্ৰদৰ্শন কৰা দেখিছো। প্ৰশিক্ষকগৰাকীয়ে কয়, ‘মই ভাবো যে তাই ফৰ্মলৈ ঘূৰি অহাটো সময়ৰ কথা, আৰু মই, আৰু সমগ্ৰ দেশখনে আশা কৰিছো যে কাইলৈৰ পৰা আৰম্ভ হ’ব।’ দীৰ্ঘদিন ধৰি মূল খেলুৱৈ হিচাপে পৰিগণিত হৈ সেই দায়িত্ব মধ্যম ক্ৰমত অতি ভালদৰে চম্ভালিছে। মানে তাই বৰ্তমান ভাৰতীয় মহিলা ক্ৰিকেটৰ অন্যতম স্তম্ভ।

শৃংখলাৰ আৰম্ভণিতে ভাৰতে দক্ষিণ আফ্ৰিকাক প্ৰত্যাহ্বান জনোৱাত ব্যৰ্থ হৈছিল, প্ৰথম তিনিখন মেচত পৰাস্ত হৈছিল। অৱশ্যে এই ধাৰাবাহিকখনৰ পৰা শিকিব পৰা বহুতো ইতিবাচক দিশ আছে বুলি দীপ্তি শৰ্মাৰ মতে। বিশেষকৈ আজিৰ খেলখনে আমাক আগুৱাই যোৱাত বহুত আত্মবিশ্বাস দিছে। দীপ্তিয়ে কয়, আমি যেতিয়াই খেলো, আমি দল হিচাপে খেলো, সেয়া বলিং হওক বা বেটিং ইউনিট হওক। আমি আগলৈও এই আত্মবিশ্বাস বজাই ৰাখিব লাগিব।

মেচখনৰ সন্দৰ্ভত চতুৰ্থ টি-২০ মেচত প্ৰথমে বেটিং কৰা ভাৰতীয় মহিলা দলটোৱে ২০ অভাৰত ৫ উইকেটত ১৮৫ ৰান সংগ্ৰহ কৰে। ইয়াৰ প্ৰতিক্ৰিয়া স্বৰূপে দক্ষিণ আফ্ৰিকাৰ মহিলা দলটোৱে নিজৰ নিৰ্ধাৰিত ২০ অভাৰত ৯ উইকেটত মাত্ৰ ১৭১ ৰানহে কৰিবলৈ সক্ষম হয় আৰু মেচখন ১৪ ৰানত পৰাস্ত হয়।

২৭ এপ্ৰিলত দক্ষিণ আফ্ৰিকাৰ বেন’নিত দুয়োটা দলৰ মাজত অনুষ্ঠিত হ’ব এই শৃংখলাৰ পঞ্চম আৰু অন্তিমখন টি-২০ ইণ্টাৰনেশ্যনেল।

हिन्दुस्थान समाचार / মনোজ কুমাৰ শইকীয়া