হৰিদ্বাৰ, ২৪ এপ্ৰিল (হি.স.)। উত্তৰাখণ্ডৰ হৰিদ্বাৰ জিলাৰ শ্যামপুৰ আৰক্ষী থানা এলেকাৰ অন্তৰ্গত কাংৰি গাঁৱত শুকুৰবাৰে কাম কৰি থকা অৱস্থাত দ ব’ৰৱেলত পৰে এজন ৫৫ বছৰীয়া লোক। এই ঘটনাই অঞ্চলটোত ব্যাপক আতংকৰ সৃষ্টি কৰাৰ লগতে ঘটনাস্থলীত সমবেত হয় গাঁওবাসীৰ ভিৰ। তথ্য লাভ কৰাৰ লগে লগে এনডিআৰএফ আৰু এছডিআৰএফৰ লোকে উদ্ধাৰ অভিযান আৰম্ভ কৰে।

খবৰ অনুসৰি কাংগ্ৰী গাঁৱৰ বাসিন্দা মনোহৰ নামৰ এজন ব্যক্তিয়ে ব’ৰৱেলৰ কাম কৰি থকা অৱস্থাত হঠাতে ভাৰসাম্য হেৰুৱাই মুকলি, দ ব’ৰৱেলত পৰি যায়। এইটো ইমানেই হঠাৎ ঘটিছিল যে উপস্থিত কোনোবাই একো বুজি পোৱাৰ আগতেই তেওঁ গাঁতৰ গভীৰতাত সোমাই পৰিছিল। এই তথ্য লাভ কৰাৰ লগে লগে আৰক্ষী প্ৰশাসনে কাৰ্যত লিপ্ত হয়। উদ্ধাৰ অভিযান চলাবলৈ ঘটনাস্থলীত উপস্থিত হয় এছডিআৰএফ আৰু এনডিআৰএফৰ দল। বিশেষজ্ঞৰ তত্বাৱধানত যুদ্ধৰ ভিত্তিত এই উদ্ধাৰ অভিযান।

ঘটনাস্থলীত শিশুপাল সিং নেগীকে ধৰি কেইবাজনো উচ্চপদস্থ বিষয়া উপস্থিত হৈ উদ্ধাৰ অভিযানত নিৰন্তৰ নিৰীক্ষণ কৰি আছে। প্ৰশাসনে জেচিবি মেচিন, অক্সিজেন চাপৰ্ট, আৰু অন্যান্য কাৰিকৰী সঁজুলিৰ সহায়ত গাঁতত পৰি যোৱা লোকজনৰ কাষ চাপিবলৈ চেষ্টা চলাইছে।

ব’ৰৱেলৰ গভীৰতা আৰু সংকীৰ্ণ গঠনৰ বাবে উদ্ধাৰকাৰী দলসমূহে যথেষ্ট অসুবিধাৰ সন্মুখীন হৈছে। ইয়াৰ পিছতো দলসমূহে অতি সোনকালে মনোহৰক নিৰাপদে উদ্ধাৰৰ বাবে অহৰহ চেষ্টা অব্যাহত ৰাখিছে। স্থানীয় গাঁওবাসীয়েও প্ৰশাসনৰ লগত সহযোগিতা কৰি কূপটোৰ চাৰিওফালে নিৰাপত্তাৰক্ষী ঘেৰাও কৰি উদ্ধাৰ অভিযান সুচাৰুৰূপে চলোৱাত সহায় কৰিছে। মনোহৰৰ অৱস্থা সন্দৰ্ভত এতিয়াও কোনো আনুষ্ঠানিক তথ্য প্ৰকাশ কৰা হোৱা নাই। অৱশ্যে প্ৰশাসনে কৈছে যে সম্ভৱপৰ সকলো প্ৰচেষ্টা চলোৱা হৈছে আৰু উদ্ধাৰ অভিযানত কোনো ধৰণৰ গাফিলতি কৰা হোৱা নাই।

हिन्दुस्थान समाचार / মনোজ কুমাৰ শইকীয়া