মাদ্ৰিদ, ২৪ এপ্ৰিল (হি.স.)। স্পেইনৰ টেনিছ কিংবদন্তি ৰাফেল নাডালক পুনৰবাৰ টেনিছ ক’ৰ্টত দেখা গ’ল যেতিয়া তেওঁ মাদ্ৰিদ অ’পেনৰ সময়ত ছান্টিয়াগো বাৰ্নাবেউ ষ্টেডিয়ামত স্থাপন কৰা অস্থায়ী ক’ৰ্টত অংশগ্ৰহণ কৰে।
মাদ্ৰিদ অ’পেনৰ আয়োজকসকলে বাৰ্নাবেউ ষ্টেডিয়ামৰ খেলপথাৰত অস্থায়ী টেনিছ ক’ৰ্ট স্থাপন কৰিছে, য’ত খেলুৱৈসকলে ৩০ এপ্ৰিললৈকে অনুশীলন কৰিব পাৰিব। এই বিশেষ অনুষ্ঠানত নাডালে ৰিয়েল মাদ্রিদৰ গ’লৰক্ষক থিবাউট ক’র্ট’ইছৰ সৈতে বিশ্বৰ এক নম্বৰ য়ানিক চিনাৰ আৰু ৰিয়েল মাদ্রিদৰ মিডফিল্ডাৰ জুড বেলিংহামৰ বিৰুদ্ধে প্রীতি অধিৱেশনত অংশগ্রহণ কৰে ৷
ইয়াৰ পূৰ্বে বুধবাৰে মাদ্ৰিদ অ’পেনত উপস্থিত আছিল বেলিংহামে প্ৰতিযোগিতাখনত অভিষেক ঘটোৱা স্পেইনৰ যুৱ খেলুৱৈ ৰাফেল জোডাৰৰ খেলখন চাই। অৱশ্যে মূল খেলসমূহ স্পেইনৰ ৰাজধানী কাজা মেজিকাত অনুষ্ঠিত হৈছে।
নাডালে এই অভিজ্ঞতাক বিশেষ বুলি অভিহিত কৰি ইনষ্টাগ্ৰামত লিখিছে, “বাৰ্নাবেউ’ৰ এই অনন্য ক’ৰ্টত খেলাটো আছিল অতি বিশেষ ।”
বৰ্তমান বিশ্বৰ চতুৰ্থ স্থানত থকা মহিলা টেনিছ তাৰকা ইগা ছুয়াটেকেও এই প্ৰতিযোগিতাত অংশগ্ৰহণ কৰে।
हिन्दुस्थान समाचार / মনোজ কুমাৰ শইকীয়া
