ডিব্ৰুগড়, ২৪এপ্ৰিল (হি.স.)। দুলীয়াজানৰ অইল ইণ্ডিয়া লিমিটেডৰ নতুন ঔদ্যোগিক অঞ্চলৰ সন্মুখত উত্তপ্ত পৰিস্থিতিৰ সৃষ্টি হয় । নৱ প্ৰগতি যুৱক সংঘ আৰু নবীন পুথিভঁৰালৰ উদ্যোগত ১ নং নাওশলীয়া মাজগাওঁ ৰাইজৰ সহযোগত ধৰ্মঘট কাৰ্যসূচী। অইলে নিযুক্তিৰ ক্ষেত্ৰত প্ৰতাৰণা কৰি অহাৰ পৰিপ্ৰেক্ষিতত উক্ত প্ৰতিবাদী কাৰ্যসূচী ৰূপায়ণ।

পুৱাৰে পৰা অচল অইলৰ নতুন ঔদ্যোগিক অঞ্চলৰ কাম-কাজ । অইলৰ নতুন ঔদ্যোগিক অঞ্চলত বিষয়া-কৰ্মচাৰীৰ লগতে যানবাহন প্ৰৱেশত বাধা প্ৰদান প্ৰতিবাদকাৰীৰ । প্ৰতিবাদস্থলীত মোতায়ণ কৰা হৈছে বৃহৎ সংখ্যক আৰক্ষী আৰু অইলৰ নিজা নিৰাপত্তা বিভাগ । দীৰ্ঘদিনৰ পৰা প্ৰতিবাদকাৰীৰ সৈতে অইল কৰ্তৃপক্ষৰ কেইবালানিও আলোচনা অনুষ্ঠিত হৈছিল যদিও এইপৰ্যন্ত কোনো ধৰণৰ কাৰ্যকৰী ব্যৱস্থা গ্ৰহণ নকৰাৰ অভিযোগ প্ৰতিবাদকাৰীৰ ।

হিন্দুস্থান সমাচাৰ / প্ৰকাশ ডেকা