মাজুলী, ২৪ এপ্ৰিল (হি.স.)। অসম তথা ভাৰতলৈ গৌৰৱ কঢ়িয়াই আনিছে সত্ৰাধিকাৰ শ্ৰীশ্ৰী পীতাম্বৰ দেৱ গোস্বামীয়ে। ঐতিহাসিক আউনীআটীৰ সত্ৰাধিকাৰগৰাকীয়ে পোনপ্ৰথম বাৰৰ বাবে ব্ৰিটিছ সংসদত ভাষন প্ৰদান কৰিব । অহা জুন মাহত ৮ তাৰিখে ব্ৰিটেইলৈ যাত্ৰা কৰিব সত্ৰাধিকাৰ গৰাকীয়ে।
অসমৰ সত্ৰাধিকাৰগৰাকীয়ে ব্ৰিটিছ সংসদত ৬৫ গৰাকী সাংসদৰ সন্মুখত ইংৰাজীত ভাষণ প্ৰদান কৰিব। সত্ৰাধিকাৰ গৰাকীয়ে ব্ৰিটিছ সংসদত অসমৰ কলা-সংস্কৃতি, সত্ৰীয়া নৃত্যৰ, সত্ৰীয়া সংগীত আৰু শ্ৰীমন্তশঙ্কৰদেৱ ওপৰত ভাষণ প্ৰদান কৰিব।
এই সন্দৰ্ভত সত্ৰাধিকাৰ শ্ৰীশ্ৰী পীতাম্বৰ দেৱ গোস্বামীয়ে গৌৰৱান্বিত অনুভৱ কৰিছে । তেওঁ কয় যে আমি অতি ভাগ্য বান কাৰণ এজন সত্ৰাধিকাৰ হিচাপে বিদেশী ৰাষ্ট্ৰত অসমৰ লোকসংকৃতিৰ বিষয় ভাষন দিবলৈ ওলাইছে । ইফালে সত্ৰাধিকাৰ গৰাকীক ব্ৰিটিছ সংসদলৈ নিমন্ত্ৰণ কৰা বিষয়ত মাজুলীবাসী আনন্দিত হৈছে।
হিন্দুস্থান সমাচাৰ / অৰৱিন্দ
