লক্ষ্ণৌ, ২৩ এপ্ৰিল (হি.স.)। ইণ্ডিয়ান প্ৰিমিয়াৰ লীগত আচৰণ বিধি উলংঘা কৰাৰ বাবে ৰাজস্থান ৰয়েলছৰ বেষ্ট বলাৰ নন্দ্ৰে বাৰ্গাৰক মেচ মাচুলৰ ১০ শতাংশ জৰিমনা বিহা হৈছে। তেওঁক এটা ডিমেৰিট পইণ্টো দিয়া হৈছে।
ভাৰত ৰত্ন শ্ৰী অটল বিহাৰী বাজপেয়ী একনা ক্ৰিকেট ষ্টেডিয়ামত বুধবাৰে লক্ষ্ণৌ ছুপাৰ জায়েন্টছৰ বিৰুদ্ধে খেলৰ সময়ত এই ব্যৱস্থা গ্ৰহণ কৰা হয়।
আই পি এলে জাৰি কৰা এক বিবৃতি অনুসৰি বাৰ্গাৰে লেভেল ১ৰ অপৰাধ স্বীকাৰ কৰিছে, যিটো আচৰণ বিধিৰ ২.৫ অনুচ্ছেদৰ অধীনত পৰে। এই নিয়মটো মেচৰ সময়ত শব্দ, ইংগিত বা আচৰণৰ সৈতে জড়িত যিয়ে খেলুৱৈক অপমান কৰিব পাৰে বা আক্ৰমণাত্মক প্ৰতিক্ৰিয়াৰ সৃষ্টি কৰিব পাৰে।
মেচ ৰেফাৰীয়ে জাৰি কৰা অনুমোদন বাৰ্গাৰে মানি লৈছে। লেভেল ১ৰ ক্ষেত্ৰত মেচ ৰেফাৰীৰ সিদ্ধান্ত চূড়ান্ত আৰু বাধ্যতামূলক। যদিও আনুষ্ঠানিকভাৱে এই কথা স্পষ্ট হোৱা নাই যে এই কাণ্ড কেতিয়া সংঘটিত হৈছিল, তথাপিও অনুমান কৰা হৈছে যে মিচেল মাৰ্ছক বৰ্খাস্ত কৰাৰ পিছত বাৰ্গাৰৰ প্ৰতিক্ৰিয়াত আম্পায়াৰসকলে আপত্তিজনক কিবা এটা পাইছিল।
মেচখনত বাৰ্গাৰে আকৰ্ষণীয় বলিং কৰে। লক্ষ্ণৌৰ অধিনায়ক ঋষভ পন্ত আৰু মিচেল মাৰ্ছৰ গুৰুত্বপূৰ্ণ উইকেটকে ধৰি ৪ অভাৰত ২/২৭ ৰান সংগ্ৰহ কৰে।
এই প্ৰদৰ্শনৰ পিছতো তেওঁ আচৰণ বিধি উলংঘা কৰাৰ বাবে অনুশাসনমূলক ব্যৱস্থাৰ সন্মুখীন হ’বলগীয়া হৈছিল।
हिन्दुस्थान समाचार / মনোজ কুমাৰ শইকীয়া
