- এইচ এছ বি চিয়ে ৩১ মাৰ্চত ভাৰতৰ ৰেটিং অতিৰিক্তৰ পৰা নিউট্ৰেললৈ হ্ৰাস
নতুন দিল্লী, ২৩ এপ্ৰিল (হি.স.)। গ্ল’বেল ব্ৰোকাৰেজ ফাৰ্ম এইচ এছ বি চিয়ে পুনৰবাৰ ভাৰতীয় ইকুইটিৰ গ্ৰেড হ্ৰাস কৰি ঘৰুৱা শ্বেয়াৰ বজাৰ আৰু ইয়াৰ বিনিয়োগকাৰীক যথেষ্ট আঘাত হানিছে। দালাল প্ৰতিষ্ঠানটোৱে ভাৰতীয় ইকুইটি নিউট্ৰেলৰ পৰা অণ্ডাৰৱেইটলৈ হ্ৰাস কৰিছে । এমাহ নৌহওঁতেই দ্বিতীয়বাৰৰ বাবে এইচ এছ বি চিয়ে ভাৰতীয় ইকুইটিৰ ৰেটিং হ্ৰাস কৰিছে । পূৰ্বে ৩১ মাৰ্চত ভাৰতীয় ইকুইটি অণ্ডাৰৱেইটৰ পৰা নিউট্ৰেললৈ হ্ৰাস কৰা হৈছিল, আৰু এতিয়া নিউট্ৰেলৰ পৰা অণ্ডাৰৱেইটলৈ হ্ৰাস কৰা হৈছে।
এইচ এছ বি চিয়ে কয় যে পশ্চিম এছিয়াত উত্তেজনা আৰু তাৰ ফলত খাৰুৱা তেলৰ মূল্য বৃদ্ধিয়ে মুদ্ৰাস্ফীতিৰ আশংকা বৃদ্ধি কৰিছে । দালাল প্ৰতিষ্ঠানটোৱে জাৰি কৰা এক টোকাত উল্লেখ কৰা হৈছে যে আমেৰিকা আৰু ইৰাণৰ মাজত চলি থকা যুদ্ধৰ বাবে পেট্ৰলিয়াম সামগ্ৰীৰ দ্রুতগতিত বৃদ্ধি পোৱা দাম ভাৰতৰ অৰ্থনীতিৰ বাবে এক বৃহৎ প্ৰত্যাহ্বানৰ সৃষ্টি কৰিব পাৰে ।
২৮ ফেব্ৰুৱাৰীৰ পৰা আমেৰিকা, ইজৰাইল আৰু ইৰাণৰ মাজত যুদ্ধ আৰম্ভ হৈছিল । এই সংঘাতৰ বাবেই আন্তঃৰাষ্ট্ৰীয় বজাৰত খাৰুৱা তেলৰ মূল্য ৪০ শতাংশতকৈও অধিক বৃদ্ধি পাইছে। ব্ৰেণ্ট খাৰুৱা তেলৰ ব্যৱসায় প্ৰতি বেৰেলত ১০০ ডলাৰৰ ওপৰত। খাৰুৱা তেলৰ মূল্যৰ এই উত্থানে ভাৰতৰ দৰে দেশসমূহত মুদ্ৰাস্ফীতিৰ আশংকা সৃষ্টি কৰিছে যিবোৰে নিজৰ প্ৰয়োজন পূৰণৰ বাবে আমদানিৰ ওপৰত নিৰ্ভৰ কৰে ।
এইচ এছ বি চিৰ নোটখনত উল্লেখ কৰা হৈছে যে আমেৰিকা আৰু ইৰাণৰ মাজত চলি থকা যুদ্ধই উত্তৰ-পূব এছিয়াৰ অন্যান্য দেশৰ তুলনাত ভাৰতৰ বিনিয়োগৰ আকৰ্ষণ হ্ৰাস কৰিছে । ফলস্বৰূপে যুদ্ধ আৰম্ভ হোৱাৰ পিছৰে পৰা নিফ্টী ৬.৭ শতাংশ আৰু চেন্সেক্স ৭.৯ শতাংশ হ্ৰাস পাই ই বিশ্বৰ অন্যতম বেয়া প্ৰদৰ্শন কৰা বজাৰ হিচাপে পৰিগণিত হৈছে।
ঘৰুৱা বজাৰৰ অৱনতিৰ বিষয়ে আলোচনা কৰাৰ সময়তে দালাল সংস্থাটোৱে বিদেশী বিনিয়োগকাৰীৰ উদ্বেগও উল্লেখ কৰে । ইয়াত ভাৰতীয় টকাৰ মূল্য হ্ৰাস পোৱাৰ কথাও উল্লেখ কৰা হৈছে । নোটখনত উল্লেখ কৰা হৈছে যে যদিহে ভাৰতীয় চফটৱেৰ সেৱাৰ ওপৰত কৃত্ৰিম বুদ্ধিমত্তাৰ নেতিবাচক প্ৰভাৱ বৃদ্ধি পায় আৰু আন্তঃৰাষ্ট্ৰীয় খাৰুৱা তেলৰ মূল্য অধিক হৈ থাকে তেন্তে ভাৰতীয় মুদ্ৰাৰ মূল্য আৰু অধিক হ্ৰাস পোৱাৰ আশা কৰিব পাৰি । এই কাৰণেই এই বছৰ বিদেশী বিনিয়োগকাৰীয়ে ধাৰাবাহিকভাৱে ভাৰতীয় শ্বেয়াৰ বজাৰৰ পৰা ধন বিক্ৰী কৰি আহিছে । ২০২৬ চনত এতিয়ালৈকে বিদেশী বিনিয়োগকাৰীয়ে ১৮.৫ বিলিয়ন ডলাৰৰ ভাৰতীয় শ্বেয়াৰ বিক্ৰী কৰিছে ।
এইচ এছ বি চিৰ অনুমান অনুসৰি জুন আৰু ছেপ্টেম্বৰৰ ত্ৰৈমাসিকৰ বেছিভাগ সময় খাৰুৱা তেল আৰু গেছৰ নাটনি চলি থাকিব । ইয়াৰ ফলত ভাৰতৰ আয় বৃদ্ধি ১.৫ শতাংশ পৰ্যন্ত হ্ৰাস পাব পাৰে । দালাল সংস্থাটোৱে লক্ষ্য কৰিছে যে পশ্চিম এছিয়াত চলি থকা উত্তেজনাৰ বাবে ঘৰুৱা ইকুইটিৰ মূল্যও শীৰ্ষ স্তৰৰ তললৈ নামি আহিছে । কিন্তু উপাৰ্জনৰ অনুমান কৰ্তনৰ খবৰ ওলোৱাৰ লগে লগে ইকুইটিৰ মূল্য সলনি হোৱাৰ সম্ভাৱনা আছে ।
हिन्दुस्थान समाचार / মনোজ কুমাৰ শইকীয়া
