অক্ষয় কুমাৰৰ হৰৰ-কমেডী ছবি ভূত বাংলাৰ ব্যৱসায়িক দিনত বক্স অফিচত শক্তিশালী স্থান অব্যাহত আছে। প্ৰিয়দৰ্শনৰ দ্বাৰা পৰিচালিত ছবিখন ১৭ এপ্ৰিলত চিনেমাগৃহত মুক্তি লাভ কৰে। মুক্তিৰ ৬ দিনৰ পাছতো দৈনিক সংগ্ৰহৰ ক্ষেত্ৰত ৰণবীৰ সিঙৰ ধুৰন্ধৰ ২ ছবিখনক অতিক্ৰম কৰি ছবিখনৰ উপাৰ্জন স্থিৰ হৈ আছে।
বক্স অফিচৰ বাতৰি অনুসৰি বুধবাৰে ভূত বাংলাই ৬.১৫ কোটি ₹ উপাৰ্জন কৰে। ইয়াৰ ফলত ছবিখনৰ ঘৰুৱা নেট সংগ্ৰহ হৈছে ₹৭৮.৯০ কোটি। এই ছবিখনে বিশ্বজুৰি ₹১২৭.৩৭ কোটিৰো অধিক উপাৰ্জন কৰিছে । বাণিজ্য বিশেষজ্ঞসকলৰ মতে ছবিখনে অতি সোনকালে ₹১০০ কোটি টকাৰ ক্লাবত যোগদান কৰিব পাৰে । সপ্তাহৰ মাজভাগত উপাৰ্জন হ্ৰাস পোৱাৰ পিছতো ছবিখন শক্তিশালী হৈয়ে আছে ।
আনহাতে ধুৰন্ধৰ ২ এতিয়া লেহেমীয়া হ'বলৈ আৰম্ভ কৰিছে । খবৰ অনুসৰি ছবিখনে ৩৫ সংখ্যক দিনত ১.৭০ কোটি টকা উপাৰ্জন কৰি মুঠ ভাৰতীয় নেট সংগ্ৰহ ১,১২১.০৯ কোটি টকালৈ বৃদ্ধি কৰে । ধুৰন্ধৰ ২ৰ স্থান শক্তিশালী হৈ থকাৰ সময়তে ভূত বাংলাৰ বাবে অব্যাহত থকা হুলস্থুল আৰু দৰ্শকৰ সমৰ্থনে বৰ্তমান বক্স অফিচত ইয়াক উত্থান কৰাত সহায় কৰিছে । ধুৰন্ধৰ ২-এ দংগলৰ অভিলেখক প্ৰত্যাহ্বান জনাব পাৰিবনে নাই সেই সন্দৰ্ভত এতিয়া সকলোৰে দৃষ্টি নিবদ্ধ হৈ পৰিছে ।
हिन्दुस्थान समाचार / মনোজ কুমাৰ শইকীয়া
