ডিব্ৰুগড়, ২৩ এপ্ৰিল (হি.স.)। আজি পঞ্জাৱ আৰক্ষীয়ে ডিব্ৰুগড় কেন্দ্ৰীয় কাৰাগাৰত বন্দী অমৃতপল সিঙক জিম্মাত ল’ব। তেওঁ ৱাৰিছ পঞ্জাব দে সংগঠনৰ মুৰব্বী আৰু তাত কটকটীয়া নিৰাপত্তাৰ অধীনত ৰখা হৈছে।
খবৰ অনুসৰি ৰাষ্ট্ৰীয় নিৰাপত্তা আইন (এন এছ এ)ৰ অধীনত বন্দীত্ব শেষ হোৱাৰ পিছত পঞ্জাৱৰ আজনলা থানাত সংঘটিত আক্ৰমণৰ সৈতে জড়িত ৱাৰিছ পঞ্জাব দে সংগঠনৰ মুৰব্বী অমৃতপল সিঙক পুনৰ গ্ৰেপ্তাৰ কৰা হ'ব। এই গোচৰত তেওঁৰ ভূমিকা সন্দৰ্ভত পঞ্জাৱ আৰক্ষীয়ে অধিক আইনী ব্যৱস্থা গ্ৰহণ কৰিব।
উল্লেখযোগ্য যে খদূৰ চাহাবৰ সাংসদ অমৃতপল সিঙক বিগত তিনিবছৰ ধৰি ডিব্ৰুগড় কেন্দ্ৰীয় কাৰাগাৰত ভৰ্তি হৈ থকা আৰু সকলো আইনী পদ্ধতি মানি পঞ্জাৱ আৰক্ষীক গতাই দিয়া হ’ব। ২০২৩ চনৰ ফেব্ৰুৱাৰী মাহৰ আজনালা আৰক্ষী থানা আক্ৰমণৰ গোচৰৰ সৈতে জড়িত পঞ্জাৱ আৰক্ষীৰ এটা দলে ১৯ এপ্ৰিলৰ পৰা ডিব্ৰুগড়ত শিবিৰ পাতিছে তেওঁক গ্ৰেপ্তাৰ কৰিবলৈ। এই ঘটনাৰ প্ৰায় দুমাহৰ পিছত ২০২৩ চনৰ ২৩ এপ্ৰিলত পঞ্জাৱৰ মোগা জিলাৰ পৰা আজনালা আৰক্ষী থানা আক্ৰমণৰ গোচৰত অমৃতপালক প্ৰথমে আটক কৰা হৈছিল।
যোৱা সপ্তাহত পঞ্জাৱ আৰু হাৰিয়ানা উচ্চ ন্যায়ালয়ে অমৃতপালক এন এছ এৰ বন্দীত্বৰ সময়সীমা শেষ হোৱাৰ পিছত আজনলা গোচৰত আনুষ্ঠানিকভাৱে গ্ৰেপ্তাৰ কৰাৰ লগতে তাৰ পিছত ডিব্ৰুগড় কাৰাগাৰত ৰখাৰ বাবে ৰাজ্য চৰকাৰৰ অনুৰোধ মানি লৈছিল। আদালতে আৰক্ষী আৰু ন্যায়িক জিম্মাকে ধৰি বিচাৰৰ সৈতে জড়িত সকলো কাৰ্য্যবিধি ভিডিঅ’ কনফাৰেন্সৰ জৰিয়তে চলাবলৈ অনুমতি প্ৰদান কৰে, যাৰ ফলত অমৃতপালক অমৃতসৰলৈ অনা নোহোৱাকৈয়ে নিজৰ পক্ষ ৰক্ষা কৰিব পাৰিব।
हिन्दुस्थान समाचार / মনোজ কুমাৰ শইকীয়া
