শিৱসাগৰ, ২২ এপ্ৰিল (হি.স.)। নাজিৰাৰ এখন চিকিৎসালয়ত হঠাতে হুৱাদুৱা পৰিৱেশৰ সৃষ্টি হৈছে। চিকিৎসালয়খন হৈছে লিগিৰীপুখুৰীস্থিত কৰ্মশ্ৰী হিতেশ্বৰ শইকীয়া অসামৰিক চিকিৎসালয়। চিকিৎসালয়খন নিশা এই চাঞ্চল্যকৰ ঘটনা সংঘটিত হয়৷

চিকিৎসালয়খনৰ জৰুৰীকালীন কক্ষত স্থানীয় এজন যুৱকে আত্মহত্যা কৰাক লৈ চিকিৎসালয়খন তীব্ৰ চাঞ্চল্য ৰ সৃষ্টি হৈছে৷

নিশা জৰুকালীন কক্ষত চিকিৎসক নাৰ্চ থকাৰ স্বত্বেও স্থানীয় এজন যুৱকে আত্মহত্যা কৰে৷ আত্মহত্যা কৰা যুৱক জনৰ নাম মিণ্টু দত্ত(৩৭) বুলি চিনাক্ত কৰা হৈছে ৷ চিকিৎসালয়খনত নিৰাপত্তা শিথিলতাৰ বাবেই এনেধৰণৰ ঘটনা সংঘটিত হোৱাৰ আংশকা কৰা হৈছে৷ আৰক্ষীয়ে যুৱকজনৰ মৃতদেহ মৰণোত্তৰ পৰীক্ষাৰ বাবে প্ৰেৰণ কৰাৰ লগতে এই ঘটনাৰ তদন্ত অব্যাহত ৰখা বুলি জানিব পৰা গৈছে।

হিন্দুস্থান সমাচাৰ / নিৰ্মলেন্দু