নতুন দিল্লী, ২২ এপ্ৰিল (হি.স.)। পশ্চিম এছিয়াত চলি থকা উত্তেজনা সমাধানৰ বাবে দ্বিতীয় ৰাউণ্ডৰ প্ৰস্তাৱিত শান্তি আলোচনা ইৰাণে নাকচ কৰাৰ বাবে আৰু বিশ্বব্যাপী দুৰ্বল ইংগিতৰ বাবে আজি ঘৰুৱা শ্বেয়াৰ বজাৰৰ আগতীয়া ব্যৱসায়ত অৱনতি ঘটিছে। আজিৰ ট্ৰেডিং দুৰ্বল নোটত আৰম্ভ হৈছিল। বজাৰ মুকলি হোৱাৰ পিছত বিক্ৰীৰ চাপ বাঢ়ি আহিল, যাৰ ফলত চেন্সেক্স আৰু নিফটি দুয়োটা সূচকাংকতে দুৰ্বল ধাৰা দেখা গ’ল। প্ৰথম ঘণ্টাৰ ব্যৱসায়ৰ পিছত চেন্সেক্সৰ ব্যৱসায় ০.৯৭ শতাংশ আৰু নিফটিৰ মূল্য ০.৮২ শতাংশ হ্ৰাস পাইছিল।
প্ৰথম ঘণ্টাৰ ব্যৱসায়ৰ পিছত শ্বেয়াৰ বজাৰৰ হেভিৱেট নেচলে, টিএমপিভি, টাটা কনজিউমাৰ প্ৰডাক্টছ, হিন্দুস্তান ইউনিলিভাৰ, আৰু হিণ্ডালকো ইণ্ডাষ্ট্ৰীজৰ শ্বেয়াৰ ২.২৬ শতাংশৰ পৰা ০.৯৬ শতাংশলৈকে বৃদ্ধিৰে ব্যৱসায় হৈছিল। আনহাতে, এইচচিএল টেকন’লজিছ, টেক মহিন্দ্ৰা, ইনফ’ছিছ, আইচিআইচিআই বেংক, আৰু টিচিএছৰ শ্বেয়াৰ ৮.৬৯ শতাংশৰ পৰা ১.২৮ শতাংশলৈকে হ্ৰাস পাই ব্যৱসায় চলি আছিল।
আজিৰ ব্যৱসায়ৰ সময়লৈকে শ্বেয়াৰ বজাৰত ২৭০৮টা ষ্টক সক্ৰিয়ভাৱে ব্যৱসায় কৰি আছিল। ইয়াৰে ১৩৬৬টা ষ্টকে সেউজীয়া সূচকত ব্যৱসায় কৰি লাভৰ সূচনা কৰাৰ বিপৰীতে ১৩৪২টা ষ্টকে ৰঙা সূচকত ব্যৱসায় কৰি লোকচান লাভ কৰিছিল। একেদৰে চেন্সেক্সত অন্তৰ্ভুক্ত ৩০টা ষ্টকৰ ভিতৰত চাৰিটা ষ্টক ক্ৰয় সমৰ্থনৰ সৈতে সেউজীয়া অৱস্থাত থাকিল। আনহাতে, বিক্ৰীৰ চাপৰ বাবে ২৬টা ষ্টক ৰঙা সূচকৰ ট্ৰেডিং হৈ আছিল। নিফটিত অন্তৰ্ভুক্ত কৰা ৫০টা ষ্টকৰ ভিতৰত ১২টা ষ্টকে সেউজীয়া সূচকৰ ব্যৱসায় কৰিছিল, আনহাতে ৩৮টা ষ্টকে ৰঙা সূচকত ব্যৱসায় কৰিছিল।
আজি বিএছই চেন্সেক্স ২৫৩.৯৯ পইণ্ট হ্ৰাস পাই ৭৯,০১৯.৩৪ পইণ্টত মুকলি হয়। ব্যৱসায় আৰম্ভ হোৱাৰ কিছু সময়ৰ পাছতে বজাৰত বিক্ৰী হ’বলৈ ধৰে, যাৰ ফলত সূচকাংকৰ অৱনতি অব্যাহত থাকে। যদিও ক্ৰেতাসকলে কেইবাবাৰো জোৰকৈ ক্ৰয় কৰিবলৈ চেষ্টা কৰিছিল, বিক্ৰীৰ চাপ ইমানেই তীব্ৰ আছিল যে তেওঁলোকৰ কোনো প্ৰচেষ্টা সফল নহ’ল। বজাৰত অবিৰত ক্ৰয়-বিক্ৰয়ৰ মাজতে প্ৰথম ঘণ্টাৰ ব্যৱসায়ৰ পিছত চেন্সেক্সৰ মূল্য ৭৬৭.১১ পইণ্ট হ্ৰাস পাই পুৱা ১০:১৫ বজাত ৭৮,৫০৬.২২ পইণ্টত ব্যৱসায় কৰা হয়।
চেন্সেক্সৰ দৰেই আজি এন এছ ই নিফটিৰ ব্যৱসায় আৰম্ভ হয় আৰু ১০৫.৭৫ পইণ্ট হ্ৰাস পাই ২৪,৪৭০.৮৫ পইণ্ট হয়। বজাৰখন মুকলি হোৱাৰ কিছু সময়ৰ পিছতে ব্যাপক বিক্ৰীৰ চাপ গঢ় লৈ উঠিল, যাৰ ফলত সূচকাংকৰ হ্ৰাস বাঢ়ি আহিল। বজাৰত ধাৰাবাহিক ক্ৰয়-বিক্ৰয়ৰ মাজতে প্ৰথম ঘণ্টাৰ ব্যৱসায়ৰ অন্তত পুৱা ১০:১৫ বজাত নিফটিৰ মূল্য ২০০.৫৫ পইণ্ট হ্ৰাস পাই ২৪,৩৭৬.০৫ পইণ্টত ব্যৱসায় হৈছিল।
ইয়াৰ পূৰ্বে পূৰ্বৰ ব্যৱসায়িক দিন মঙলবাৰে চেন্সেক্সৰ মূল্য ৭৫৩.০৩ পইণ্ট বা ০.৯৬ শতাংশ বৃদ্ধিৰে ৭৯,২৭৩.৩৩ পইণ্টত বন্ধ হৈছিল। আনহাতে নিফটিয়ে মঙলবাৰৰ ব্যৱসায় ২১১.৭৫ পইণ্ট বা ০.৮৭ শতাংশ বৃদ্ধিৰে ২৪,৫৭৬.৬০ পইণ্টত সমাপ্ত হৈছিল।
हिन्दुस्थान समाचार / মনোজ কুমাৰ শইকীয়া
