নতুন দিল্লী, ২২ এপ্ৰিল (হি.স.)। বিশ্বৰ মূলধনীজাত বজাৰত আজি দুৰ্বলতাৰ লক্ষণ দেখা গৈছে। পূৰ্বৰ অধিবেশনত আমেৰিকাৰ বজাৰসমূহ নিম্নগামীভাৱে বন্ধ হৈছিল। অৱশ্যে আজি ডাউ জ’নছৰ ফ্যুচাৰৰ ব্যৱসায় শক্তিশালী হৈ আছে। পূৰ্বৰ অধিবেশনৰ সময়ছোৱাত ইউৰোপীয় বজাৰসমূহো চাপত আছিল। এছিয়াৰ বজাৰত আজি মিশ্ৰিত ব্যৱসায় চলি আছে।
পশ্চিম এছিয়াত চলি থকা উত্তেজনাৰ মাজতে ইৰাণে দ্বিতীয় ৰাউণ্ডৰ শান্তি আলোচনাৰ প্ৰস্তাৱ নাকচ কৰাৰ বাবে পূৰ্বৰ অধিবেশনৰ সময়ছোৱাত আমেৰিকাৰ বজাৰখন চাপত পৰিছিল। ডাউ জ’নছ ইণ্ডাষ্ট্ৰিয়েল এভাৰেজ ২৯২.৯৬ পইণ্ট বা ০.৫৯ শতাংশ হ্ৰাস পাই ৪৯,১৪৯.৬০ পইণ্টত উপনীত হয়। একেদৰে এছ এণ্ড পি ৫০০ সূচকাংক ০.৬৩ শতাংশ হ্ৰাস পাই ৭,০৬৪.০১ পইণ্ট হয়। ইয়াৰ উপৰিও নাছডাক ১৪৪.৪৩ পইণ্ট বা ০.৫৯ শতাংশ হ্ৰাস পাই ২৪,২৫৯.৯৬ত বন্ধ হয়। ডাউ জ’নছ ইণ্ডাষ্ট্ৰিয়েল এভাৰেজ (ডিজিআইএ)ৰ ফ্যুচাৰ বৰ্তমান ৪৯,৩৬৯.৬৫ত ব্যৱসায় কৰা হৈছে, যিটো ২২০.২৭ পইণ্ট বা ০.৪৫ শতাংশ বৃদ্ধি পাইছে।
পূৰ্বৰ অধিবেশনৰ সময়ছোৱাত ইউৰোপীয় বজাৰসমূহো দুৰ্বল হৈয়েই আছিল। এফ টি এছ ই সূচকাংক ১১০.৯৯ পইণ্ট বা ১.০৬ শতাংশ হ্ৰাস পাই ১০,৪৯৮.০৯ পইণ্টত বন্ধ হয়। একেদৰে চিএচি সূচকাংক ৯৫.৩৩ পইণ্ট বা ১.১৬ শতাংশ হ্ৰাস পাই পূৰ্বৰ অধিবেশন ৮,২৩৫.৭২ পইণ্টত শেষ হয়। ডিএএক্স সূচকাংকও ১৪৬.৯৩ পইণ্ট বা ০.৬১ শতাংশ হ্ৰাস পাই ২৪,২৭০.৮৭ পইণ্টত বন্ধ হয়।
এছিয়াৰ বজাৰত আজি মিশ্ৰিত ব্যৱসায় চলি আছে। এছিয়াৰ ৯টা বজাৰ সূচকাংকৰ ভিতৰত পাঁচটা ৰেডত ব্যৱসায় চলি থকাৰ বিপৰীতে চাৰিটা সেউজীয়াত শক্তিশালীভাৱে ধৰি ৰাখিছে। টাইৱান ওজনযুক্ত সূচকাংক ৩৮,০১৫.২৭ত ব্যৱসায় কৰা হৈছে, যিটো ৪১০.১৬ পইণ্ট বা ১.০৯ শতাংশ বৃদ্ধি পাইছে। একেদৰে নিকেই সূচকাংক ২৩২.৮৩ পইণ্ট বা ০.৩৯ শতাংশ বৃদ্ধি পাই ৫৯,৫৮২ পইণ্টত উপনীত হৈছে। তদুপৰি চাংহাই কম্পোজিট সূচকাংক ০.২৪ শতাংশ বৃদ্ধি পাই ৪,০৯৫.০৭ আৰু এছ এণ্ড পি কম্পোজিট সূচকাংক ০.১৯ শতাংশ বৃদ্ধি পাই ১,৪৮৬.৩৭ পইন্টত ব্যৱসায় কৰা হৈছে।
আনহাতে, গিফ্ট নিফ্টি ১৭৪ পইণ্ট অৰ্থাৎ ০.৭১ শতাংশ হ্ৰাস পাই ২৪,৪০১ টকাত ব্যৱসায় কৰা হৈছে। একেদৰে ষ্ট্ৰেইটছ টাইমছ সূচকাংক ০.৪৬ শতাংশ হ্ৰাস পাই ৪৯৯২.০৫ পইণ্ট হৈছে। আজি হেং চেং সূচকাংকতো যথেষ্ট দুৰ্বলতা দেখা গৈছে। বৰ্তমান এই সূচকাংক ২৯৯.৪৮ পইণ্ট বা ১.১৪ শতাংশ হ্ৰাস পাই ২৬,১৮৮ পইণ্ট হৈছে। একেদৰে জাকাৰ্টা কম্পোজিট সূচকাংক ০.১৩ শতাংশ হ্ৰাস পাই ৭,৫৪৯.২৭ পইণ্ট আৰু কস্পি সূচকাংক ০.০২ শতাংশৰ প্ৰতীকী হ্ৰাসৰ সৈতে ৬,৩৮৭.২৪ পইণ্টত ব্যৱসায় কৰে ।
हिन्दुस्थान समाचार / মনোজ কুমাৰ শইকীয়া
