মাদ্ৰিদ, ২১ এপ্ৰিল (হি.স.)। ব্ৰাজিলৰ ফুটবল কিংবদন্তি কাফুৰ মতে ২০২৬ চনৰ বিশ্বকাপ ব্ৰাজিলৰ বাবে ২৪ বছৰৰ পাছত পুনৰ চেম্পিয়ন হোৱাৰ এক নিখুঁত সময়।
২০০২ চনত ব্ৰাজিলক পঞ্চমবাৰৰ বাবে বিশ্বকাপ খিতাপ দখল কৰা অধিনায়কত্ব কৰা কাফুৱে কয় যে বৰ্তমানৰ দলটোৰ ভাৰসাম্য আৰু অভিজ্ঞতা দুয়োটা আছে। ১৯৯৪ চনৰ বিশ্বকাপ বিজয়ী দলৰ অংশ হিচাপেও তেওঁ দেশক গৌৰৱৰ দিশত আগুৱাই লৈ গৈছিল।
ল’ৰিয়াছ বঁটা প্ৰদান অনুষ্ঠানত তেওঁ সাংবাদিকৰ আগত কয় যে, “শেষ খিতাপৰ ২৪ বছৰৰ পাছত ব্ৰাজিলৰ বাবে এইটো এক নিখুঁত সুযোগ ।”
কাফুৱে প্ৰশিক্ষক কাৰ্লো এন্সেল’টিক প্ৰশংসা কৰি তেওঁক ধাৰাবাহিকভাৱে জয় কঢ়িয়াই অনা প্ৰশিক্ষক বুলি অভিহিত কৰে। তেওঁৰ মতে, দলটোৰ আক্রমণ আৰু মিডফিল্ড ইতিমধ্যে শক্তিশালী, গতিকে এইবাৰ ডিফেন্সৰ প্রতি বিশেষ গুৰুত্ব দিয়া হৈছে৷
তাৰকা খেলুৱৈ ভিনিচিয়াছ জুনিয়ৰৰ ওপৰত আস্থা প্ৰকাশ কৰি কাফুৱে কয় যে বিশ্বকাপ হৈছে যিকোনো খেলুৱৈয়ে নিজকে প্ৰমাণ কৰাৰ আটাইতকৈ ডাঙৰ মঞ্চ।
১৯ বছৰীয়া এণ্ড্ৰিকৰ সন্দৰ্ভত কাফুৱে কয় যে ফ্ৰান্সৰ ক্লাব লায়নত থকা সময়খিনিয়ে তেওঁক বহু উপকৃত কৰিছে আৰু তেওঁ ব্ৰাজিলৰ বাবে এজন গুৰুত্বপূৰ্ণ খেলুৱৈ হিচাপে প্ৰমাণিত হ’ব পাৰে।
২০২৬ চনৰ ফুটবল বিশ্বকাপ আমেৰিকা, মেক্সিকো, কানাডাত অনুষ্ঠিত হ’ব। এই প্ৰতিযোগিতাখনৰ বাবে ব্ৰাজিলক প্ৰধান প্ৰতিদ্বন্দ্বী হিচাপে বিবেচিত হোৱাৰ বিপৰীতে স্পেইনেও এক প্ৰবল দাবীদাৰ হৈ পৰিব।
हिन्दुस्थान समाचार / Manoj Kumar Saikia
