কাঠমাণ্ডু, ২১ এপ্ৰিল (হি.স.)। ভাৰতৰ সীমান্তৱৰ্তী ৰূপাণ্ডেহী আৰু কপিলাবস্তুৰ বিভিন্ন স্থানত থকা সোণ-ৰূপৰ দোকানৰ পৰা চুৰি কৰাৰ অভিযোগত অপৰাধৰ লগত জড়িত পাকিস্তানী মহিলাৰ সংগঠিত নেটৱৰ্কৰ সন্ধানত নেপাল আৰক্ষীয়ে অভিযান আৰম্ভ কৰিছে।
তেওঁলোকে কেনেকৈ নেপাললৈ আহিছিল আৰু কি উদ্দেশ্যত আহিছিল তদন্ত অব্যাহত ৰাখিছে আৰক্ষীয়ে। যদিও তেওঁলোক পৰ্যটন ভিছাত আহিছিল, তথাপিও স্থানীয় প্ৰভাৱৰ জৰিয়তে তেওঁলোকৰ এনে গুৰুতৰ অপৰাধত জড়িত হোৱাটো এতিয়াও এক জটিল প্ৰশ্ন হৈয়ে আছে। নিৰাপত্তাৰক্ষীয়ে কয় যে এইটো এটা বৃহৎ গেং হ’ব পাৰে আৰু কেইবাটাও স্থানত অধিক সতৰ্কতাৰ প্ৰয়োজন।
কপিলাবস্তুত গ্ৰেপ্তাৰ হোৱা মহিলা দুগৰাকীৰ স্বামীকো নেপালৰ পৰা পাকিস্তানলৈ উভতি অহাৰ সময়ত বিমানবন্দৰত গ্ৰেপ্তাৰ কৰা হয়, যাৰ ফলত আৰক্ষীয়ে এই সংগঠিত নেটৱৰ্ক উন্মোচন কৰাৰ আশা প্ৰকাশ কৰে।
ত্ৰিভুৱন আন্তঃৰাষ্ট্ৰীয় বিমানবন্দৰৰ পৰা বহিঃৰাজ্যলৈ যাবলৈ সাজু হৈ থকা ২৩ বছৰীয়া ইফান আলী আৰু ৪৪ বছৰীয়া ছফিউৰ ৰহমান নামৰ দুজন পাকিস্তানী নাগৰিকক আৰক্ষীয়ে আটক কৰিছে। এসপ্তাহ পূৰ্বে কপিলাবস্তুত গ্ৰেপ্তাৰ হোৱা ২০ বছৰীয়া ৱেবি কালছুম আৰু ৪১ বছৰীয়া সৰ্বান ৰহমানৰ স্বামী।
আৰক্ষীৰ মতে, অভিযুক্ত দুজনে নিৰাপত্তাৰক্ষী পৰীক্ষা ক্লিয়াৰ কৰি বৰ্ডিং পাছ লাভ কৰি এয়াৰ আৰবৰ বিমানত উঠিবলৈ ওলাইছিল যেতিয়া তেওঁলোকক গ্ৰেপ্তাৰ কৰা হয়। মাত্ৰ যোৱা সপ্তাহত গহণা চুৰি আৰু জালিয়াতিৰ অভিযোগত কপিলাবস্তুৰ তৌলিহাৱা আৰু চন্দ্ৰৌতা বজাৰত দুগৰাকী মহিলাক গ্ৰেপ্তাৰ কৰা হৈছিল। জেৰাৰ সময়ত তেওঁলোকে স্বামীৰ সৈতে নেপাললৈ অহাৰ কথা জানিব পৰা যায়, যাৰ বাবে আৰক্ষীয়ে তালাচী তীব্ৰতৰ কৰি তুলিছে।
কপিলবাস্তু জিলা আৰক্ষী কাৰ্যালয়ৰ মুখপাত্ৰ ডি এছ পি ৰিপেন্দ্ৰ কুমাৰ সিঙে জনোৱা মতে, বিভিন্ন ইউনিট সক্ৰিয় কৰাৰ পিছত দুয়োকে গ্ৰেপ্তাৰ কৰা হৈছে। বৰ্তমান দুয়োকে তদন্তৰ বাবে কপিলবস্তুলৈ অনা হৈছে, আৰু ৮ দিনৰ আদালতৰ ৰিমাণ্ড লাভ কৰাৰ পিছত অধিক জেৰা অব্যাহত আছে।
সন্ধিয়া শিৱৰাজ-৫ চন্দ্ৰৌতাৰ সুৰেন্দ্ৰ গহনা দোকানত উপস্থিত হয় মহিলা দুগৰাকী। গহনা পৰীক্ষা কৰি থাকোঁতে তেওঁলোকে দোকানীজনক বিপথে পৰিচালিত কৰি ৩৮ লল (প্ৰায় ৪.৫ গ্ৰাম) ওজনৰ এযোৰ সোণৰ কাণফুলি চুৰি কৰি লৈ যায়। দোকানৰ পৰা ওলাই আহোঁতে মাস্ক আৰু বোৰ্কা পৰিধান কৰি নিজৰ পৰিচয় লুকুৱাবলৈ চেষ্টা কৰে।
সেইদিনা তৌলিহাৱাৰ বাগেশ্বৰী জুৱেলাৰীকো প্ৰতাৰণা কৰিছিল। সোণৰ বিনিময়ৰ অজুহাতত এতোলাতকৈও অধিক মূল্যৰ গহণা লৈ পলায়ন কৰে। পিছত পৰীক্ষণত দেখা গ’ল যে তেওঁলোকে দিয়া গহণাবোৰৰ মাত্ৰ ৭ শতাংশহে প্ৰকৃত সোণ।
প্ৰাথমিক তদন্তত বুটৱালৰ যোগীকুটিৰ এখন গহনা দোকানৰ পৰাও চুৰি কৰা বুলি জানিব পৰা গৈছে। এই সকলোবোৰ ঘটনাৰ লগত একে দুগৰাকী মহিলা জড়িত থকাৰ প্ৰমাণ পোৱা গৈছে আৰক্ষীয়ে।
কপিলাবস্তু আৰক্ষী অধীক্ষক সন্তোষ আচাৰ্যৰ মতে, মহিলাৰ লগত জড়িত অন্যান্য চুৰিৰ গোচৰো উন্মোচিত হৈছে। আন্তঃৰাষ্ট্ৰীয় সংগঠিত গেং জড়িত থকাৰ সন্দেহ কৰি আৰক্ষীয়ে তদন্ত সম্প্ৰসাৰণ কৰিছে। তেওঁ কয়, তেওঁলোক পৰ্যটন ভিছাত আহিছিল। এতিয়া নিৰ্ণয় কৰা হৈছে যে তেওঁলোক সংগঠিত গোটৰ অংশ হিচাপে আহিছিল নে অকলে কাম কৰিছিল।
हिन्दुस्थान समाचार / মনোজ কুমাৰ শইকীয়া
