কাঠমাণ্ডু, ২১ এপ্ৰিল (হি.স.)। নেপালৰ ৰাজধানী কাঠমাণ্ডুৰ ত্ৰিভুৱন আন্তঃৰাষ্ট্ৰীয় বিমানবন্দৰ (টিআইএ) আজিৰ পৰা ১৮ মে’লৈকে প্ৰতি নিশা সাত ঘণ্টা ধৰি বন্ধ থাকিব। ইয়াৰ দ্বাৰা আন্তঃগাঁথনি উন্নয়নৰ কাম ক্ষিপ্ৰতাৰে কৰা হয়।
বিমানবন্দৰ টার্মিনেল পৰিচালনা বিভাগৰ প্ৰধান ইন্দুৰাজ অধিকাৰীয়ে অৱগত কৰাইছে যে, সকলো উৰণ প্ৰচলন—য’ত টেকঅ’ফ আৰু লেণ্ডিং অন্তৰ্ভুক্ত—ৰাতি ১১:৪৫ বজাৰ পৰা পুৱা ৬:৩০ বজালৈ স্থগিত থাকিব, যাতে পক্কীকৰণ (পেৱমেণ্ট) নিৰ্মাণ কাম কৰা যায়। এই সময়ত ৰাণৱেৰ ওচৰৰ টেক্সি-ৱেৰ নিৰ্মাণ কাম চলি আছে আৰু নিৰাপত্তাৰ কাৰণেই ৰাতি বিমানবন্দৰ বন্ধ ৰাখিবলৈ সিদ্ধান্ত লোৱা হৈছে।
বিমানবন্দৰৰ কাৰ্যালয়ে কয় যে এই অস্থায়ী বন্ধৰ উদ্দেশ্য হৈছে চলি থকা উন্নীতকৰণৰ কাম ক্ষিপ্ৰতাৰে সম্পূৰ্ণ কৰা। এই সময়ছোৱাত অসুবিধা কম কৰিবলৈ বিমান সংস্থাসমূহক তেওঁলোকৰ বিমানৰ সময়সূচীত প্ৰয়োজনীয় পৰিৱৰ্তন কৰিবলৈ অনুৰোধ জনোৱা হৈছে।
हिन्दुस्थान समाचार / মনোজ কুমাৰ শইকীয়া
