নন্দিগ্ৰাম, ১৯ এপ্ৰিল (হি.স.)। পশ্চিমবংগ বিধানসভাৰ নিৰ্বাচনৰ ভোটগ্ৰহণৰ দিন চমু চাপি অহাৰ লগে লগে প্ৰচাৰ অভিযানে তীব্ৰ গতি লাভ কৰিছে। দেওবাৰে পূৱ মেদিনীপুৰ জিলাৰ নন্দিগ্ৰামত বলীউডৰ অভিনেত্ৰী তথা ভাৰতীয় জনতা পাৰ্টিৰ সাংসদ কংগনা ৰানাৱটে ৰোড শ্ব’ অনুষ্ঠিত কৰে।

সংবাদ মাধ্যমৰ সৈতে হোৱা কথা-বতৰাত নন্দিগ্ৰামৰ ৰাইজে অন্যায় কেতিয়াও সহ্য নকৰে বুলি কংগনা ৰানাৱটে ব্যক্ত কৰে। যোৱাবাৰ মমতা বেনাৰ্জীক ইয়াৰ পৰা খেদি দিয়া হৈছিল আৰু এইবাৰ, তেওঁ প্ৰতিদ্বন্দ্বিতা কৰা নাই। এয়াই নন্দিগ্ৰামৰ শক্তি। সকলোতে কেশৰ দেখা যায়। বংগৰ নিৰ্বাচনক লৈ সৃষ্টি হৈছে উৎসাহৰ পৰিৱেশ।

উল্লেখযোগ্য যে বিজেপিৰ জ্যেষ্ঠ নেতা তথা ৰাজ্য বিধানসভাৰ বিৰোধী দলপতি সুভেন্দু অধিকাৰীয়ে নন্দিগ্ৰামৰ পৰা বিজেপিৰ প্ৰাৰ্থী হিচাপে প্ৰতিদ্বন্দ্বিতা আগবঢ়াইছে। বিগত বিধানসভা নিৰ্বাচনত এই আসনৰ পৰাই মুখ্যমন্ত্ৰী মমতা বেনাৰ্জীক পৰাস্ত কৰিছিল সুভেন্দুৱে।

हिन्दुस्थान समाचार / অৰৱিন্দ