কলকাতা, ১৯ এপ্ৰিল (হি.স.)। পশ্চিম বংগ বিধানসভা নিৰ্বাচনৰ পূৰ্বে কলকাতাত কেন্দ্ৰীয় তদন্তকাৰী সংস্থাসমূহে নিজৰ কাৰ্যকলাপ তীব্ৰতৰ কৰি তুলিছে। দেওবাৰে পুৱা প্ৰৱৰ্তন সঞ্চালকালয়ে বালিগঞ্জত থকা কলকাতা আৰক্ষীৰ উপ আয়ুক্ত শান্তনু সিং বিশ্বাসৰ ফৰ্ণ ৰোডৰ বাসগৃহত অভিযান চলায়। পুৱাই বিষয়াৰ এটা দল উপস্থিত হৈ ঘৰৰ ভিতৰতে তালাচী অভিযান আৰম্ভ কৰে।

সূত্ৰ অনুসৰি এই কাৰ্যক বালিগঞ্জত কুখ্যাত সোনা পাপ্পু গোচৰৰ সৈতে জড়িত বুলি অনুমান কৰা হৈছে। ইয়াৰ পূৰ্বে শান্তনু সিং বিশ্বাসে কালিঘাট থানাৰ ভাৰপ্ৰাপ্ত বিষয়া হিচাপে কাৰ্যনিৰ্বাহ কৰিছিল। ইয়াৰ পূৰ্বেও একেটা গোচৰতে ভাৰতীয় আৰক্ষী সেৱাৰ এজন বিষয়াক সোধা-পোছাৰ বাবে মাতি অনা হৈছিল। পোনপটীয়াকৈ উপ আয়ুক্তৰ বাসগৃহত অভিযান চলাই অধিক বিতৰ্কৰ সৃষ্টি কৰিছে।

আৰক্ষীয়ে এতিয়াও গ্ৰেপ্তাৰ কৰিবলৈ সক্ষম হোৱা নাই সোণা পাপ্পুক। অৱশ্যে ছ’চিয়েল মিডিয়াত ৰাজহুৱাভাৱে উপস্থিত আৰু লাইভ ষ্ট্ৰীমিং কৰা দেখা গৈছে। ইয়াৰ ফলত তদন্তকাৰী সংস্থাসমূহৰ ভূমিকা আৰু আৰক্ষীৰ ব্যৱস্থাক লৈ প্ৰশ্ন উত্থাপন হৈছে।

ইফালে প্ৰৱৰ্তন সঞ্চালকালয়ে বেহালাৰ ব্যৱসায়ী জয় কামদাৰৰ ঘৰতৌ অভিযান চলায়। স্থানীয় ৰাইজৰ মতে, তেওঁ মূলতঃ নিৰ্মাণ আৰু ভূমি উন্নয়নৰ ব্যৱসায়ৰ সৈতে জড়িত। ইয়াৰ পূৰ্বেও তেওঁৰ চৌহদত তালাচী চলোৱা হৈছে। খবৰ অনুসৰি সোনা পাপ্পু গোচৰৰ তদন্তৰ সময়ত তেওঁৰ নাম পোহৰলৈ আহে। পূৰ্বৰ অভিযানৰ সময়ত স্থানৰ পৰা বৃহৎ পৰিমাণৰ নগদ ধন উদ্ধাৰ কৰা হৈছিল।

সূত্ৰ অনুসৰি জয় কামদাৰক দুবাৰকৈ সোধা-পোছাৰ বাবে মাতি অনা হৈছিল যদিও তেওঁ হাজিৰ নহ’ল। ইয়াৰ পিছতে দেওবাৰে তেওঁৰ ঘৰত অভিযান চলায়। কেন্দ্ৰীয় দলটোৱে পুৱা চি জে আই কেম্পাছৰ পৰা ওলাই অহাৰ লগতে কেন্দ্ৰীয় আৰক্ষীৰ জোৱানেও উপস্থিত হোৱা বুলি জানিব পৰা গৈছে।

বেহালাৰ বিষয়াসকলে ঘৰৰ বাহিৰত কিছু সময় অপেক্ষা কৰিবলগীয়া হৈছিল। অভিযোগ অনুসৰি বাৰে বাৰে ফোন কৰাৰ পিছতো দুৱাৰখন খোলা নাছিল। যথেষ্ট পলম হোৱাৰ পিছত দুৱাৰখন খোল খালে, তাৰ পিছত বিষয়াসকলে প্ৰৱেশ কৰি তালাচী আৰম্ভ কৰিলে।

উল্লেখযোগ্য যে ৰাজ্যৰ ২৯৪খন বিধানসভাৰ আসনৰ বাবে ২৩ আৰু ২৯ এপ্ৰিলত দুটা পৰ্যায়ত ভোটগণনা অনুষ্ঠিত হোৱাৰ কথা, ৪ মে’ত ভোটগণনা হ’ব । নিৰ্বাচনৰ পূৰ্বে কেন্দ্ৰীয় সংস্থাসমূহে ধাৰাবাহিকভাৱে গ্ৰহণ কৰা কাৰ্যকলাপৰ বাবে ৰাজনৈতিক পৰিৱেশ উত্তপ্ত হৈ পৰিছে।

हिन्दुस्थान समाचार / মনোজ কুমাৰ শইকীয়া