দৰং, ১৯ এপ্ৰিল (হি.স.)। ৰাজ্যজুৰি অব্যাহত আছে ৰঙালীৰ আনন্দ উছাহ । অসমত বসবাস কৰা বিভিন্ন জাতি জনগোষ্ঠীয়ে নিজ নিজ ধৰণে সুন্দৰকৈ পালন কৰিছে বিহু । বিশেষকৈ বড়ো সম্প্ৰদায়ৰ লোক সকলেও ৰংজালী বৈশাগু উপলক্ষে ঘৰে ঘৰে গৈ গৃহস্থৰ কুশল মঙ্গলৰ বাবে আশীৰ্বাদ দিয়াৰ যি পৰম্পৰা সেয়া পালন কৰিছে ।

মঙলদৈৰ মাজগাৱতো দেখা গল এই সুন্দৰ পৰিবেশ । দৰং -ওদালগুৰি সীমামুৰীয়া এই গাওঁ খনৰ প্ৰায় শতাধিক পুৰুষ মহিলা ওলাই আহি গাঁও খনৰ ইমূৰৰ পৰা সিমূৰলৈ ঘৰে ঘৰে গৈ আশীৰ্বাদ দি সকলোৰে কুশল মঙ্গল কামনা কৰে। লগতে বড়ো সম্প্ৰদায়ৰ কৃষ্টি-সংস্কৃতি, ৰীতি-নীতিৰ লগত নতুন প্ৰজন্মক চিনাকী কৰি দিয়ে।

হিন্দুস্থান সমাচাৰ / প্ৰকাশ ডেকা