হোম্বালে ফিল্মছ আৰু কালিম প্ৰডাকচনে আনুষ্ঠানিকভাৱে ঘোষণা কৰিছে তেওঁলোকৰ অভিলাষী মহাৱতাৰ চিনেমেটিক ইউনিভাৰ্ছৰ দ্বিতীয়খন ছবি মহাৱতাৰ পৰশুৰামা। মহাৱতাৰ নৰসিংহৰ সফলতাৰ পিছত এই নতুন ছবিখনে ভৱিষ্যৎ বিষ্ণুৰ ষষ্ঠ অৱতাৰ পৰশুৰামৰ কাহিনীক ডাঙৰ পৰ্দাত ভয়ংকৰ ৰূপত উপস্থাপন কৰিব। ছবিখনৰ প্ৰথমখন পোষ্টাৰো মুকলি কৰিছে নিৰ্মাতাসকলে, যাৰ ফলত দৰ্শকৰ মাজত উত্তেজনা আৰু অধিক বৃদ্ধি পাইছে। পোষ্টাৰখনত য'ত ধৈৰ্য্য শেষ হয়, তাতেই আৰম্ভ হয় পৰশুৰামৰ কুঠাৰ নামৰ টেগলাইনটোৱে ছবিখনৰ শক্তিশালী আখ্যানৰ আভাস দিয়ে।
এই ছবিখন হ’ব সাত খণ্ডৰ মহাৱতাৰ চিনেমেটিক বিশ্বব্ৰহ্মাণ্ডৰ দ্বিতীয় অধ্যায়, য’ত আধুনিক প্ৰযুক্তি আৰু এনিমেচনৰ জৰিয়তে ভগৱান বিষ্ণুৰ বিভিন্ন অৱতাৰৰ কাহিনী উপস্থাপন কৰা হ’ব। পৰিচালক অশ্বিন কুমাৰে এই প্ৰকল্পৰ নেতৃত্ব দিছে। কাহিনীটোত পৰশুৰামৰ ধৰ্ম ৰক্ষা আৰু ধৰ্ম ধ্বংসৰ অৱতাৰক কেন্দ্ৰ কৰি তেওঁৰ ক্ৰোধ, তপস্যা, ন্যায়বোধক উজ্জ্বল কৰি তুলিব।
ভাৰতীয় দৰ্শক বিশেষকৈ নতুন প্ৰজন্মক তেওঁলোকৰ সাংস্কৃতিক শিপাৰ সৈতে সংযোগ কৰাটোৱেই তেওঁৰ উদ্দেশ্য বুলি কয় ছবিখনৰ প্ৰযোজক বিজয় কিৰাগান্দুৰে। তেওঁৰ মতে মহাৱতৰ পৰশুৰাম কেৱল পৌৰাণিক কাহিনী নহয়, বৰঞ্চ উত্তৰাধিকাৰ, শক্তি, উদ্দেশ্যৰ কাহিনী। প্ৰথমখন ছবি মহাৱতাৰ নৰসিংহৰ প্ৰতি দৰ্শকৰ সমাদৰে নিৰ্মাতাসকলক এই বিশ্বব্ৰহ্মাণ্ডক আৰু অধিক সম্প্ৰসাৰণৰ বাবে উৎসাহিত কৰিছে।
हिन्दुस्थान समाचार / আলোক চক্ৰৱৰ্তী
