খড়গপুৰ (পশ্চিম বংগ), ১৮ এপ্ৰিল (হি.স.)। পশ্চিম বংগ বিধানসভা নিৰ্বাচনী প্ৰচাৰ তীব্ৰতৰ হৈ পৰিছে। পশ্চিম মেদিনীপুৰ আৰু ঝাৰগ্ৰাম জিলাত শনিবাৰে গোটেই দিনটো বিভিন্ন ৰাজনৈতিক দলে নিজৰ নিজৰ প্ৰাৰ্থীৰ সপক্ষে সমৰ্থন বিচাৰি ৰাজহুৱা সভা আৰু ৰেলী অনুষ্ঠিত কৰে। প্ৰধানমন্ত্ৰী নৰেন্দ্ৰ মোডীৰ বিজয় সংকল্পৰ ৰেলী আজি বেল্ডা ষ্টেডিয়ামত অনুষ্ঠিত হোৱাৰ কথা।

পশ্চিম মেদিনীপুৰৰ নাৰায়ণগড়ৰ বেল্ডা ষ্টেডিয়ামত বিজয় সংকল্প সমাৱেশত ভাষণ দিব প্ৰধানমন্ত্ৰী মোদীয়ে। ঝাৰগ্ৰামতো তেওঁ এক সমাৱেশ অনুষ্ঠিত কৰিব। শনিবাৰে ঝাৰগ্ৰাম জিলাৰ নয়াগ্ৰাম বিধান সভা সমষ্টিত তৃণমূল প্ৰাৰ্থী দুলাল মুৰ্মুৰ সমৰ্থনত অভিনেতা তথা ঘটাল সাংসদ দেৱ (দীপক অধিকাৰী)য়ে এক জনসভাত ভাষণ দিয়ে।

ইফালে, পশ্চিম মেদিনীপুৰ জিলাৰ দন্তন সমষ্টিৰ কল্যাণপুৰত বিজেপি প্ৰাৰ্থী অজিত কুমাৰ জনৰ সমৰ্থনত বিজয় সংকল্পৰ সভা অনুষ্ঠিত হয়। ত্ৰিপুৰাৰ মুখ্যমন্ত্ৰী মাণিক সাহাই এই সভাত ভাষণ দিয়ে। তেওঁ পশ্চিম বংগৰ আইন-শৃংখলাৰ পৰিস্থিতিৰ ওপৰত প্ৰশ্ন উত্থাপন কৰি কয় যে ৰাজ্যখনত নিবনুৱা সমস্যা আৰু হিংসা বৃদ্ধি পাইছে। তেওঁ আগন্তুক নিৰ্বাচনত পৰিৱৰ্তনৰ বাবে ভোট দিবলৈ ৰাইজক আহ্বান জনায়।

খৰগপুৰৰ ঝাপেটাপুৰ অঞ্চলত বিজেপি নেতা দিলীপ ঘোষৰ সমৰ্থনত মধ্যপ্ৰদেশৰ মুখ্যমন্ত্ৰী মোহন যাদৱে এক বৃহৎ ৰাজহুৱা সভাত ভাষণ দিয়ে। বিশেষকৈ খৰগপুৰৰ যাদৱ সম্প্ৰদায়ৰ বহু সংখ্যক লোকে পৰম্পৰাগত সাজ-পোছাক পৰিধান কৰি নিজৰ বিখ্যাত লাঠি-খেল প্ৰদৰ্শন কৰে। বিজেপিৰ প্ৰাৰ্থী সুবেন্দু অধিকাৰীয়েও নিজৰ নন্দিগ্ৰাম সমষ্টিত প্ৰচাৰ চলাইছিল।

हिन्दुस्थान समाचार / মনোজ কুমাৰ শইকীয়া