কলকাতা, ১৮ এপ্ৰিল (হি.স.)। সীমা নিৰ্ধাৰণ বিধেয়কক লৈ সংসদত ভাৰতীয় জনতা পাৰ্টি (বিজেপি)ৰ পৰাজয় প্ৰধানমন্ত্ৰী নৰেন্দ্ৰ মোডীৰ চৰকাৰৰ পতনৰ আৰম্ভণি বুলি দাবী কৰিছে পশ্চিমবংগৰ মুখ্যমন্ত্ৰী তথা তৃণমূল কংগ্ৰেছৰ মুৰব্বী মমতা বেনাৰ্জীয়ে। দেশৰ ৰাজ্যসমূহৰ সৈতে ৰাজনৈতিক লাভালাভৰ বাবে বিজেপিয়ে লোকসভাৰ আসন পুনৰ নিৰ্ধাৰণ কৰাৰ ষড়যন্ত্ৰ ৰচনা কৰিছিল যদিও বিৰোধীয়ে যৌথভাৱে তাক বিফল কৰে বুলিও তেওঁ মন্তব্য কৰে।

হাওৰা জিলাৰ পাঁচলা অঞ্চলত নিৰ্বাচনী সভাত ভাষণ দি মমতা বেনাৰ্জীয়ে কয় যে পশ্চিম বংগত নিৰ্বাচন চলি থকাৰ পিছতো তৃণমূল কংগ্ৰেছৰ সাংসদসকলে সংসদত উপস্থিত হৈ বিধেয়কখনৰ বিৰুদ্ধে ভোটদান কৰে। বিৰোধীৰ ঐক্যত তেওঁৰ দলে গুৰুত্বপূৰ্ণ ভূমিকা পালন কৰিছিল বুলিও কয় মমতা বেনাৰ্জীয়ে।

মুখ্যমন্ত্ৰী মমতা বেনাৰ্জীয়ে অভিযোগ কৰে যে মহিলা সংৰক্ষণ বিধেয়কৰ আৱৰণত কেন্দ্ৰীয় চৰকাৰে প্ৰকৃততে সীমা নিৰ্ধাৰণৰ এজেণ্ডা আগুৱাই নিয়াৰ চেষ্টা চলাইছে। ৰাজনৈতিক সমীকৰণটো নিজৰ পক্ষত সলনি কৰিবলৈ বিজেপিয়ে বৰ্তমানৰ ৫৪৩খন লোকসভাৰ আসন প্ৰায় ৮৫০খনলৈ বৃদ্ধি কৰিব বিচাৰিছে বুলি তেওঁ দাবী কৰে ।

পশ্চিম বংগত প্ৰচাৰ চলোৱাৰ পিছতো ২০ জন সাংসদ পঠিয়াবলৈ কোৱা হৈছিল যদিও দিল্লীলৈ ২১ জন সাংসদ প্ৰেৰণ কৰা বুলিও কয়। এইটো বিজেপিক পৰাস্ত কৰাৰ কৌশলৰ অংশ বুলি কয়, আৰু সংসদত বিৰোধীয়ে বিজেপিক পৰাস্ত কৰিলে।

সংসদত পৰাজয়ৰ পিছত এতিয়া খেলপথাৰতো বিজেপি পৰাজয়ৰ সন্মুখীন হ’ব বুলি মুখ্যমন্ত্রী মমতাই উল্লেখ কৰে ৷ তেওঁ দাবী কৰে যে বংগই সদায় দেশৰ বাট দেখুৱাই, এইবাৰো বংগত বিজেপিক ক্ষমতাৰ পৰা আঁতৰোৱাৰ যুঁজ আৰম্ভ হ’ব।

মমতা বেনাৰ্জীয়ে কয় যে তেওঁৰ দলে মহিলাৰ অধিকাৰ আৰু সংৰক্ষণক সমৰ্থন কৰে, কিন্তু দেশক বিভাজিত কৰা কোনো নীতিক সমৰ্থন নকৰে। লগতে বিজেপিক বিভ্ৰান্তিকৰ অপপ্ৰচাৰ আৰু মিছা প্ৰচাৰ কৰাৰ অভিযোগ উত্থাপন কৰে ।

পশ্চিম বংগত তৃণমূল কংগ্ৰেছৰ জয় নিশ্চিত কৰি বিজেপিলৈ এক শক্তিশালী বাৰ্তা নিশ্চিত কৰিবলৈ কৰ্মী আৰু সমৰ্থকসকলক আহ্বান জনায়।

हिन्दुस्थान समाचार / মনোজ কুমাৰ শইকীয়া