চেন্নাই, ১৮ এপ্ৰিল(হি.স.)। অহা ২৩ এপ্ৰিলত অনুষ্ঠিত হ’বলগীয়া বিধানসভা নিৰ্বাচনৰ পূৰ্বে তামিলনাডুত ৰাজনৈতিক কাৰ্যকলাপে তীব্ৰ স্তৰত উপনীত হৈছে। ৰাজ্যখনৰ প্ৰধান ৰাজনৈতিক দল- দ্ৰাবিদা মুনেত্ৰ কাঝাগাম (ডি এম কে), সৰ্বভাৰতীয় আন্না দ্ৰাবিদা মুনেত্ৰ কাঝাগম (এ আই এ ডি এম কে), নাম থামিঝাৰ কচ্চি (এন টি কে), আৰু তামিলগা ভেট্ৰি কাঝাগম (টিভিকে)—সমাৱেশ, ৰাজহুৱা সভা, প্ৰচাৰ অভিযানৰ জৰিয়তে ভোটাৰৰ কাষ চাপিছে অহৰহ। নিৰ্বাচন ওচৰ চাপি অহাৰ লগে লগে ৰাজনৈতিক পৰিৱেশ ক্ৰমান্বয়ে উত্তপ্ত হৈ পৰিছে।

এনে পৰিপ্ৰেক্ষিতত কংগ্ৰেছৰ প্ৰাক্তন সভাপতি তথা সাংসদ ৰাহুল গান্ধীয়ে পোনেৰিত ধৰ্মনিৰপেক্ষ প্ৰগতিশীল মিত্ৰজোঁটৰ এক বৃহৎ সমাৱেশত ভাষণ দিয়ে। তামিলনাডুৰ সৈতে তেওঁৰ আৱেগিক সম্পৰ্কৰ কথা উল্লেখ কৰি তেওঁ কয়, মোৰ জন্ম তামিলনাডুত হোৱা নাই, কিন্তু এই ভূমিৰ সৈতে মোৰ গভীৰ সম্পৰ্ক আছে। এই ৰাজ্যখনে মোৰ হৃদয়ত এক বিশেষ স্থান দখল কৰিছে।

মহিলা সংৰক্ষণৰ নামত সমষ্টি পুনৰ সংৰচনা বিধেয়ক উত্থাপন কৰি তামিলনাডুৰ প্ৰতিনিধিত্ব হ্ৰাস কৰাৰ চেষ্টা চলোৱাৰ অভিযোগ উত্থাপন কৰি কেন্দ্ৰীয় চৰকাৰক লক্ষ্য কৰি ৰাহুল গান্ধীয়ে অভিযোগ উত্থাপন কৰে। এই প্ৰচেষ্টা বিৰোধীয়ে একেলগে বিফল কৰা বুলিও তেওঁ কয়।

ৰাহুল গান্ধীয়ে ৰাজ্যবাসীক মিত্ৰজোঁটৰ প্ৰাৰ্থীৰ সপক্ষে ভোট দিবলৈ আহ্বান জনায়।

ইয়াৰ পূৰ্বে ৰাহুল গান্ধীয়ে দিল্লীৰ পৰা চেন্নাই আন্তঃৰাষ্ট্ৰীয় বিমানবন্দৰলৈ উৰা মাৰিছিল, য’ত তেওঁক আদৰণি জনাইছিল কংগ্ৰেছৰ জ্যেষ্ঠ নেতা গিৰীশ চোডাংকৰ আৰু তামিলনাডু কংগ্ৰেছৰ সভাপতি চেলভাপেৰুথাগাই।

চেন্নাইত উপস্থিত হোৱাৰ পিছত তেওঁ হেলিকপ্টাৰেৰে পোনে পোনে পোনেৰীলৈ উৰা মাৰিলে। ৰাজহুৱা সভাৰ বাবে পেৰুঞ্চেৰী অঞ্চলত প্ৰায় ২০ হাজাৰ লোকৰ ক্ষমতাসম্পন্ন এখন বিশাল মঞ্চ স্থাপন কৰা হৈছিল, আনহাতে হেলিকপ্টাৰ অৱতৰণৰ বাবে ব্যক্তিগত বিদ্যালয়ৰ খেলপথাৰৰ ব্যৱস্থা কৰা হৈছিল।

নিৰ্ধাৰিত কাৰ্যসূচী অনুসৰি ৰাহুল গান্ধীয়ে বিয়লি প্ৰায় ৪ বজাত থুৰাইয়ুৰ বিধান সভা সমষ্টিৰ পেৰামবলুৰ বাইপাছ এলেকাত এখন ৰাজহুৱা সভাতো অংশগ্ৰহণ কৰি কংগ্ৰেছ প্ৰাৰ্থীৰ সমৰ্থনত ভোট বিচাৰে। ইয়াৰ পিছত তেওঁ দিল্লীলৈ উভতি আহিব আৰু ২০ এপ্ৰিলত পুনৰ তামিলনাডুলৈ গৈ নিৰ্বাচনী প্ৰচাৰ তীব্ৰতৰ কৰি তুলিব।

हिन्दुस्थान समाचार / মনোজ কুমাৰ শইকীয়া