বিশ্বনাথ, ১৬ এপ্ৰিল (হি.স.)। বিহালীৰ উত্তৰ জিনজিয়াত কালি নিশা সংঘটিত হই ভয়ংকৰ অগ্নিকাণ্ডৰ ঘটনা। বিহুৰ আনন্দ উল্লাসৰ মাজতে বিহালীৰ উওৰ জিনজিয়া ২ নং গৰৈমাৰীত নিশা ভয়ংকৰ অগ্নিকাণ্ডৰ ঘটনা সংঘটিত হয়। ভুক্তভোগীৰ সংবাদ মাধ্য়মক অবগত কৰা অনুসৰি অগ্নিকাণ্ডৰ ঘটনাটো গেছ চিলিণ্ডাৰৰ পৰা সংঘটিত হোৱা বুলি সন্দেহ প্ৰকাশ কৰিছে ।

অগ্নিকাণ্ডৰ ফলত সম্পূৰ্ণ ৰূপে জুইত জাহ গল তিনিটাকৈ বাসগৃহ। কেইবাটাও পশু ধনৰ লগতে সোণৰ ৰূপৰ গহনা। ইচোপ আলি নামৰ ব্যক্তি গৰাকীৰ সম্পূৰ্ণ বাসগৃহ জুইত জাহ যায়। অন্যহাতে ছাহাজাহান শ্বেখ , মাইনুল আলি নামৰ ব্যক্তি দুজনৰ প্ৰায় ২ লাখ টকাৰ সামগ্ৰী জুইত জাহ যায় ।ভুক্তভোগীয়ে চৰকাৰক উপযুক্ত ক্ষতিপুৰন দি সহায় সহযোগিতা কৰিবৰ বাবে আবেদন জনাইছে।

হিন্দুস্থান সমাচাৰ / কিশোৰ মিশ্ৰ