কাঠমাণ্ডু, ১৬ এপ্ৰিল (হি.স.)। নেপাল চৰকাৰে ১০০ৰো অধিক নতুন আইন প্ৰণয়ন কৰি বৰ্তমানৰ আইন সংশোধন কৰাৰ প্ৰস্তুতি চলাইছে । ইয়াৰ বাবে বিষয়সমূহৰ চিনাক্তকৰণ সম্পূৰ্ণ কৰা হৈছে।
চৰকাৰী মুখপাত্ৰ তথা শিক্ষামন্ত্ৰী সস্মিত পোখাৰেলৰ মতে, মুঠ ১০৩খন নতুন আইন আৰু সংশোধন কৰিবলগীয়া আইনসমূহৰ বিষয়বস্তু চিনাক্ত কৰা হৈছে। তেওঁ উল্লেখ কৰে যে প্ৰধানমন্ত্ৰীৰ কাৰ্যালয় আৰু মন্ত্ৰী পৰিষদকে ধৰি ২২টা মন্ত্ৰালয়ে অগ্ৰাধিকাৰ ভিত্তিত নতুন আইনসমূহ আগুৱাই নিয়াৰ বাবে কাম কৰি আছে।
পোখাৰেলে অৱগত কৰে যে আইন, ন্যায় আৰু সংসদীয় পৰিক্ৰমা মন্ত্ৰালয়ে আইন প্ৰণয়নৰ কাঠামোৰ ওপৰত নজৰ ৰাখিছে আৰু বিধান প্ৰক্ৰিয়া অনুসৰি প্ৰয়োজনীয় পদ্ধতিসমূহ পালন কৰাটো নিশ্চিত কৰিছে। এই মন্ত্ৰালয়ে অন্যান্য মন্ত্ৰালয়সমূহক অগ্ৰাধিকাৰৰ ভিত্তিত আইন প্ৰণয়নৰ ক্ষেত্ৰতো পথ প্ৰদৰ্শন কৰি আছে। ফেডাৰেল সংসদৰ আগন্তুক অধিৱেশনত ১০০খনতকৈও অধিক নতুন আইন আৰু সংশোধনীৰ তালিকাৰ পৰা ৪০ৰ পৰা ৪৫খন বিধেয়ক গৃহীত কৰাৰ প্ৰস্তুতি চলাইছে।
हिन्दुस्थान समाचार / মনোজ কুমাৰ শইকীয়া
