- নাছিক ধৰ্মান্তৰকৰণ আৰু যৌন নিৰ্যাতনৰ গোচৰ

নাচিক, ১৬ এপ্ৰিল (হি.স.)। মহাৰাষ্ট্ৰৰ নাছিক শাখাৰ টাটা কনছালটেন্সি চাৰ্ভিচেছৰ এইচ আৰ মেনেজাৰ নিদা খানৰ সন্ধান এই পৰ্যন্ত পোৱা হোৱা নাই । নিদা খানৰ সৈতে জড়িত কথিত ধৰ্মান্তৰকৰণৰ ষড়যন্ত্ৰ উন্মোচন হোৱাৰ পিছৰে পৰা আৰক্ষীয়ে ৯টা এফআইআৰ দাখিল কৰাৰ লগতে ৮জন লোকৰ নাম অভিযুক্ত হিচাপে উল্লেখ কৰিছে। মূল অভিযুক্ত বুলি গণ্য কৰা নিদা খান বিগত ২০ দিন ধৰি পলাতক হৈ আছে আৰু আৰক্ষীয়ে তেওঁক বিচাৰি উলিয়াব পৰা নাই।

আৰক্ষীয়ে জনোৱা মতে, নাছিকৰ এটা সামান্য মুছলমান পৰিয়ালৰ পৰা অহা নিদা খানে টিচিএছত মেনেজাৰ আৰু টিম লিডাৰ হিচাপে কাম কৰি আছিল । আৰক্ষীৰ তদন্তত চাঞ্চল্যকৰ তথ্য পোহৰলৈ আহিছে যে নিদা খান দৈনন্দিন কৰ্ম পৰিকল্পনা সভাৰ সময়ত হিন্দু মহিলাসকলক হাৰাশাস্তি কৰা আৰু ধৰ্মান্তৰিত হ’বলৈ হেঁচা দিয়াৰ দৰে কাম-কাজত পৰিচালন পৰ্যায়ত জড়িত আছিল বুলি অভিযোগ উঠিছে।

গোচৰটো প্ৰকাশ পোৱাৰ পিছৰে পৰা তাই পলায়ন কৰি আছে, আৰু তিনিটা আৰক্ষীৰ দলে তাইক বিচাৰিছে যদিও তাইৰ কোনো তথ্য পোৱা হোৱা নাই। তদন্তত এই কথাও পোহৰলৈ আহিছে যে টিচিএছত কৰ্মৰত হিন্দু মহিলাসকলৰ মানসিক নিৰ্যাতন আৰু যৌন শোষণৰ আঁৰৰ প্ৰধান উদ্দেশ্য ধৰ্মান্তৰকৰণ বুলি ধাৰণা কৰা হৈছে। উত্তৰ প্ৰদেশৰ আন এটা গোচৰৰ দৰেই এই গোচৰত আন্তঃৰাষ্ট্ৰীয় গেং জড়িত থকাৰ সন্দেহ কৰিছে আৰক্ষীয়ে। এই কাৰণতে স্থানীয় আৰক্ষীয়ে এতিয়া ৰাষ্ট্ৰীয় অনুসন্ধান সংস্থা (এন আই এ)ৰ সহায় বিচাৰিছে।

গ্ৰেপ্তাৰ অবিহনে প্ৰকাশ কঠিন

আৰক্ষীৰ ৰেকৰ্ড অনুসৰি নিদাৰ সম্পূৰ্ণ নাম নিদা এজাজ খান, আৰু তেওঁৰ বয়স ২৬ বছৰ । ২০২১ চনৰ পৰা টিচিএছত কাম কৰি অহা নিদাই । মাক-দেউতাক নাচিকৰ দ্বাৰকা অঞ্চলত থাকে আৰু স্বামীয়ে এটা ব্যক্তিগত কোম্পানীত কাম কৰে। অভিযোগ অনুসৰি টিচিএছত কাম কৰা মুছলমান পুৰুষৰ সৈতে হিন্দু মহিলাক প্ৰেমৰ সম্পৰ্কত প্ৰলোভিত কৰাত গুৰুত্বপূৰ্ণ ভূমিকা পালন কৰিছিল আৰু অভিযুক্তক সকলো ধৰণৰ সহায় আগবঢ়াইছিল। এই পৰ্যন্ত টি চি এছত কৰ্মৰত মুছলমান যুৱকৰ বিৰুদ্ধে ৭৮টা অভিযোগ দাখিল কৰা হৈছে যদিও এইচ আৰ মেনেজাৰ হোৱাৰ পিছতো নিদা খানে এই অভিযোগসমূহৰ ওপৰত কোনো ব্যৱস্থা গ্ৰহণ কৰা নাই । আন্তঃৰাষ্ট্ৰীয় ধৰ্মান্তৰকৰণ ৰেকেটৰ সৈতেও তাইৰ সম্পৰ্ক আছে বুলি সন্দেহ কৰা হৈছে।

টিচিএছ মেনেজমেণ্টৰ বিৰুদ্ধে গাফিলতিৰ অভিযোগ

কোম্পানীটোৰ এজন কৰ্মচাৰীৰ মতে, যদিও এই গোচৰত নিদা খানক মূল ষড়যন্ত্ৰকাৰী বুলি অভিযোগ উত্থাপন কৰা হৈছে, তথাপিও ইয়াৰ আঁৰত কোম্পানীটোৰ ভিতৰৰ আন উচ্চ পদস্থ ব্যক্তিসকলো থাকিব পাৰে। কৰ্মচাৰীজনে কয় যে শাখা এটাত এইচ আৰ মেনেজাৰ হিচাপে কাম কৰা ২৬ বছৰীয়া এগৰাকী মহিলাৰ ইমান বিস্তৃত ক্ষমতা থকাটো অসম্ভৱ। গোচৰটো দমন কৰিবলৈ নাচিকৰ প্ৰায় ১৫০ জন টিচিএছ কৰ্মচাৰীক ১৩ এপ্ৰিলৰ পৰা ঘৰৰ পৰাই কাম কৰিবলৈ নিৰ্দেশ দিয়া হৈছে। ৰাষ্ট্ৰীয় মহিলা আয়োগৰ এটা দল অহা ১৮ এপ্ৰিলত নাছিক ভ্ৰমণৰ কথা। ইয়াৰ পূৰ্বে গোচৰটো দমন কৰিবলৈ চেষ্টা কৰাৰো অভিযোগ উত্থাপন হৈছে। এই ঘটনাৰ বাবে কৰ্মচাৰীসকলে টিচিএছৰ শীৰ্ষ ব্যৱস্থাপনাৰ গাফিলতিৰ বাবে দোষাৰোপ কৰিছে।

চৰকাৰী তথ্যৰ বাবে অপেক্ষা কৰি আছে

নিদা এজাজ খানৰ পলায়নৰ পিছত তিনিটা মূল বিষয়ৰ ওপৰত আলোচনা চলি আছে।

প্ৰথমতে– তেওঁ কোম্পানীটোৰ শীৰ্ষ ব্যৱস্থাপনাৰ পৰা সমৰ্থন লাভ কৰি আছিল।

দ্বিতীয়তে– তেওঁৰ পিএফআই আৰু আন্তঃৰাষ্ট্ৰীয় ৰূপান্তৰ নেটৱৰ্কৰ সৈতে সম্পৰ্ক থকাৰ সন্দেহ কৰা হৈছে।

তৃতীয়তে– পি এফ আইৰ সহায়ত তেওঁ কেৰালালৈ পলায়ন কৰাৰ সন্দেহ।

অৱশ্যে আৰক্ষীৰ জ্যেষ্ঠ বিষয়াই জনোৱা মতে, তদন্ত অব্যাহত আছে আৰু তিনিটা দলে তেওঁক বিচাৰিছে। তেওঁক গ্ৰেপ্তাৰ কৰাৰ পিছতহে আনুষ্ঠানিকভাৱে প্ৰকাশ পাব সমগ্ৰ গোচৰটো।

हिन्दुस्थान समाचार / মনোজ কুমাৰ শইকীয়া