পাটনা, ১৪ এপ্ৰিল (হি.স.)। বিহাৰৰ ৰাজনীতিত এক বৃহৎ পৰিৱৰ্তন ঘটিছে। ৰাজ্যৰ মুখ্যমন্ত্ৰী নীতিশ কুমাৰে পদৰ পৰা পদত্যাগ কৰিছে। ইয়াৰ লগে লগে প্ৰায় ২০ বছৰ আৰু ৫ মাহজোৰা নীতিশ যুগৰ অন্ত পৰিল।
সুশাসন বাবু নামেৰে পৰিচিত নীতিশ কুমাৰৰ জন্ম হৈছিল ১৯৫১ চনৰ ১ মাৰ্চত পাটনাৰ বাখতিয়াৰপুৰত। তেওঁৰ পিতৃ প্ৰয়াত ৰাম লখন সিং আছিল এজন স্বাধীনতা সংগ্ৰামী আৰু এজন প্ৰখ্যাত গান্ধীবাদী নেতা। তেওঁ বিহাৰ কলেজ অৱ ইঞ্জিনিয়াৰিং (বৰ্তমান এন আই টি পাটনা)ত অভিযান্ত্ৰিক শিক্ষা গ্ৰহণ কৰিছিল। তেওঁৰ ৰাজনৈতিক চিন্তাধাৰাত সমাজবাদী মতাদৰ্শৰ গভীৰ প্ৰভাৱ পৰিছিল, যিটো তেওঁ মহান নেতা ৰাম মনোহৰ লোহিয়া, জয়প্ৰকাশ নাৰায়ণ আৰু বিশ্বনাথ প্ৰতাপ সিঙৰ সৈতে সান্নিধ্য লাভ কৰিছিল।
১৯৭৪ চনৰ পৰা ১৯৭৭ চনলৈকে চলি থকা জে পি আন্দোলনত তেওঁ সক্ৰিয় ভূমিকা পালন কৰিছিল।এই আন্দোলনে তেওঁৰ ভিতৰত সমাজবাদৰ এক সুদৃঢ় ভেটি স্থাপন কৰিছিল আৰু তেওঁ ৰাজনৈতিক জীৱনৰ বাবে এই পথ বাছি লৈছিল।
১৯৮৫ চনত বিহাৰ বিধানসভাত নিৰ্দলীয় প্ৰাৰ্থী হিচাপে প্ৰৱেশ কৰে নীতিশ কুমাৰে। ৰাজনৈতিক প্ৰতিভাৰ বাবে ১৯৮৭ চনত যুৱ লোকদলৰ সভাপতি হিচাপে নিযুক্তি লাভ কৰে। তাৰ পিছত ১৯৮৯ চনত জনতা দলৰ সাধাৰণ সম্পাদক আৰু নৱম লোকসভাৰ সদস্য হয়। ১৯৮৯ চনৰ পৰা ২০০৪ চনলৈ তেওঁ বাড় লোকসভা সমষ্টিৰ পৰা একেৰাহে জয়লাভ কৰে।
কেন্দ্ৰীয় চৰকাৰৰ গুৰুত্বপূৰ্ণ পদবীতো তেওঁ কাৰ্যনিৰ্বাহ কৰিছিল। প্ৰথম কাৰ্যকালত তেওঁ কেন্দ্ৰীয় ৰাজ্যিক মন্ত্ৰী হোৱাৰ পিছত ২০০১ চনৰ পৰা ২০০৪ চনলৈ ৰেল মন্ত্ৰী হিচাপে কাৰ্যনিৰ্বাহ কৰে।
বিহাৰৰ ৰাইজে তেওঁক ৭বাৰ মুখ্যমন্ত্রী নির্বাচিত কৰিছে ৷ ২০০০ চনৰ মাৰ্চ মাহত তেওঁ প্ৰথমবাৰৰ বাবে মুখ্যমন্ত্ৰীৰ পদ গ্ৰহণ কৰে ।
দেশৰ জ্যেষ্ঠ আৰু সুদক্ষ নেতাৰ ভিতৰত নীতিশৰ নাম বিশিষ্টভাৱে উল্লেখ কৰা হৈছে। ৰাজনৈতিক সততা, জনসক্ৰিয়তা আৰু দক্ষ প্ৰশাসনৰ বাবে নীতিশ কুমাৰক অসংখ্য বঁটাৰে সন্মানিত কৰা হৈছে। ইয়াৰ ভিতৰত ফৰ্বছৰ বছৰৰ ভাৰতীয় ব্যক্তি বঁটা, জে পি মেম'ৰিয়েল বঁটা, ইকনমিক টাইমছৰ বছৰৰ ব্যৱসায়িক সংস্কাৰক, পলিঅ' নিৰ্মূলকৰণ চেম্পিয়নশ্বিপ বঁটা, সফল নিষেধাজ্ঞাৰ বাবে অনুভ্ৰাত সন্মান, এন ডি টি ভি ইণ্ডিয়ান অৱ দ্য ইয়েৰ বঁটা।
বিহাৰৰ ৰাজনীতিত এক সুকীয়া পৰিচয় প্ৰতিষ্ঠা কৰা নীতিশ কুমাৰে এতিয়া ৰাজ্যসভাৰ উচ্চ সদন ৰাজ্যসভাৰ জৰিয়তে ৰাজনৈতিক জীৱনৰ পৰৱৰ্তী পৰ্যায়ত নতুন ভূমিকা গ্ৰহণ কৰিব পাৰে। তেওঁৰ পদত্যাগক ৰাজ্যৰ ৰাজনীতিৰ এক নতুন অধ্যায়ৰ আৰম্ভণিৰ চিন হিচাপে দেখা গৈছে।
हिन्दुस्थान समाचार / অৰৱিন্দ
