নতুন দিল্লী, ১৩ এপ্ৰিল (হি.স.)। প্ৰধানমন্ত্ৰী নৰেন্দ্ৰ মোদীয়ে বহু প্ৰত্যাশিত দিল্লী-ডেৰাডুন অৰ্থনৈতিক কৰিডৰ মঙলবাৰে উদ্বোধন কৰিব। প্ৰায় ২১৩ কিলোমিটাৰ দৈৰ্ঘ্যৰ এই ছয় লেনযুক্ত, প্ৰৱেশ নিয়ন্ত্ৰিত কৰিডৰটো ১২,০০০ কোটি ₹তকৈ অধিক ব্যয়ৰে নিৰ্মাণ কৰা হৈছে। এই প্ৰকল্পই দিল্লী, উত্তৰ প্ৰদেশ আৰু উত্তৰাখণ্ডৰ মাজত সংযোগৰ বাবে এক নতুন গতি প্ৰদান কৰিব।
প্ৰধানমন্ত্ৰীৰ কাৰ্যালয়ৰ তথ্য অনুসৰি অহা ১৪ এপ্ৰিলত প্ৰধানমন্ত্ৰী নৰেন্দ্ৰ মোদীয়ে উত্তৰাখণ্ড আৰু উত্তৰ প্ৰদেশ ভ্ৰমণ কৰিব।প্ৰায় ১১:১৫ বজাত প্ৰধানমন্ত্ৰীয়ে উত্তৰ প্ৰদেশৰ চাহাৰনপুৰ ভ্ৰমণ কৰি দিল্লী-ডেৰাডুন অৰ্থনৈতিক কৰিডৰৰ উচ্চ অংশত বন্যপ্ৰাণী কৰিডৰ পৰ্যালোচনা কৰিব। প্ৰায় ১১:৪০ বজাত প্ৰধানমন্ত্ৰীয়ে ডেৰাডুনৰ সমীপৰ ‘জয় মা দাত কালি মন্দিৰ’ ভ্ৰমণ কৰি প্ৰাৰ্থনা কৰিব। ইয়াৰ পিছত প্ৰায় ১২:৩০ বজাত প্ৰধানমন্ত্ৰীয়ে ডেৰাডুনত অনুষ্ঠিত এক ৰাজহুৱা অনুষ্ঠানত দিল্লী-ডেৰাডুন অৰ্থনৈতিক কৰিডৰ উদ্বোধন কৰাৰ লগতে এই উপলক্ষে ৰাজহুৱা সভাতো ভাষণ দিব।
এই কৰিডৰৰ আটাইতকৈ উল্লেখযোগ্য বৈশিষ্ট্য হ’ল দিল্লীৰ পৰা ডেৰাডুনলৈ যাতায়তৰ সময়, যিটো বৰ্তমান ৬ ঘণ্টাৰো অধিক, প্ৰায় ২.৫ ঘণ্টালৈ হ্ৰাস পাব। ইয়াৰ ফলত যাত্ৰীসকলে দ্ৰুত, নিৰাপদ, আৰু মসৃণ যাত্ৰাৰ সুবিধা লাভ কৰিব।
এই প্ৰকল্পৰ অধীনত ১০টা ইন্টাৰচেঞ্জ, ৩খন ৰেলৱে অভাৰ ব্ৰীজ (আৰ অ’ বি), ৪খন ডাঙৰ দলং, আৰু ১২খন পথৰ কাষৰ সুবিধা গঢ়ি তোলা হৈছে। ইয়াৰ উপৰিও উন্নত যাতায়ত ব্যৱস্থাপনা আৰু সুৰক্ষাৰ বাবে এটা উন্নত যাতায়ত ব্যৱস্থাপনা ব্যৱস্থা (এটিএমএছ) সংস্থাপন কৰা হৈছে।
এই কৰিড’ৰত পৰিৱেশ সুৰক্ষাৰ সুৰক্ষাৰ বাবে কেইবাটাও বিশেষ ব্যৱস্থা কৰা হৈছে। বন্যপ্ৰাণী সুৰক্ষা আৰু মানুহ-বন্যপ্ৰাণীৰ সংঘাত হ্ৰাস কৰাৰ বাবে এছিয়াৰ অন্যতম দীঘলীয়া ১২ কিলোমিটাৰ দৈৰ্ঘ্যৰ বন্যপ্ৰাণী উচ্চ কৰিডৰ নিৰ্মাণ কৰা হৈছে। তদুপৰি ৮টা পশুৰ পথ, ২০০ মিটাৰকৈ দুটাকৈ হাতী আণ্ডাৰপাছ, আৰু দাত কালী মন্দিৰৰ সমীপত ৩৭০ মিটাৰ দৈৰ্ঘ্যৰ এটা সুৰংগও নিৰ্মাণ কৰা হৈছে।
এই কৰিডৰে আঞ্চলিক অৰ্থনৈতিক উন্নয়নক প্ৰসাৰিত কৰা, পৰ্যটনক উদ্দীপিত কৰা আৰু নতুন ব্যৱসায়িক সুযোগ সৃষ্টি কৰাত গুৰুত্বপূৰ্ণ ভূমিকা পালন কৰিব। এই প্ৰকল্পটোক আধুনিক আন্তঃগাঁথনি আৰু পৰিৱেশৰ ভাৰসাম্যৰ সমন্বয়ৰ এক উৎকৃষ্ট উদাহৰণ হিচাপে গণ্য কৰা হয়।
हिन्दुस्थान समाचार / মনোজ কুমাৰ শইকীয়া
