গুৱাহাটী, ১৩ এপ্ৰিল (হি.স.)। অসম আৰক্ষীয়ে আজি স্পষ্ট কৰি দিয়ে যে আলফা (স্বাধীন)ৰ মুৰব্বী পৰেশ বৰুৱাৰ জেৰাইগাঁৱৰ বাসগৃহত কোনো ধৰণৰ গুলীচালনা হোৱা নাই। তেওঁৰ জন্মদিন উপলক্ষে প্ৰদৰ্শিত আতচবাজীৰ ফলত সৃষ্টি হোৱা ভুল বুজাবুজিহে আছিল এই ঘটনা।

আৰক্ষীৰ সূত্ৰ অনুসৰি বাসগৃহৰ সমীপত শুনা শব্দবোৰ আচলতে ফটকা আছিল। বৰুৱাৰ ঘৰৰ পৰা প্ৰায় ১৫০ মিটাৰ দূৰত্বত এই ফটকা জ্বলাই দিয়া হৈছিল।

বিষয়াসকলে জনোৱা মতে, পুৱা প্ৰায় ১২:০৪ আৰু ১২:০৫ বজাত এই শব্দ শুনা যায়, যাৰ ফলত অঞ্চলটোত বন্দুকৰ গুলীৰ আশংকা সৃষ্টি হয়। অসম আৰক্ষীয়ে নিশ্চিত কৰিছে যে কোনো ধৰণৰ গুলী চলোৱা হোৱা নাই আৰু কোনো নিৰাপত্তাৰ ক্ষেত্ৰত কোনো ত্ৰুটিও হোৱা নাই। অঞ্চলটোৰ পৰিস্থিতি সম্পূৰ্ণ স্বাভাৱিক।

हिन्दुस्थान समाचार / ৰমেন বৰ্মণ