ভূপাল, ১৩ এপ্ৰিল (হি.স.)। কেন্দ্ৰীয় পথ পৰিবহণ আৰু ঘাইপথ মন্ত্ৰী নীতিন গাডকাৰী আজি দিনজোৰা ভ্ৰমণসূচীৰে মধ্যপ্ৰদেশত উপস্থিত হৈছে। তেওঁ ৰাইজেনত অনুষ্ঠিত হৈ থকা ৰাষ্ট্ৰীয় উন্নত কৃষি মহোৎসৱ ২০২৬ প্ৰদৰ্শনী-সহ-প্ৰশিক্ষণ কাৰ্যসূচীত অংশগ্ৰহণ কৰিব।

জনসংযোগ বিষয়া অনুভা সিঙে উল্লেখ কৰে যে নিৰ্ধাৰিত কাৰ্যসূচী অনুসৰি কেন্দ্ৰীয় মন্ত্ৰী গডকাৰীয়ে দুপৰীয়া ২:০০ বজাত ভূপালৰ পৰা ৰাওনা হ’ব আৰু দুপৰীয়া ২:২০ বজাত ৰাইজেনৰ দশহৰা খেলপথাৰত উপস্থিত হ’ব, য’ত তেওঁ ৰাষ্ট্ৰীয় ঘাইপথ প্ৰকল্পৰ পৰ্যালোচনা কৰিব। ইয়াৰ পিছতে তেওঁ উন্নত কৃষি মহোৎসৱৰ প্ৰদৰ্শনী-সহ-প্ৰশিক্ষণ কাৰ্যসূচীত অংশগ্ৰহণ কৰিব। ৫:১০ বজাত ৰাইজেনৰ পৰা ভূপাললৈ ৰাওনা হ’ব কেন্দ্ৰীয় মন্ত্ৰী গডকাৰীয়ে।

हिन्दुस्थान समाचार / মনোজ কুমাৰ শইকীয়া